Jesaja 1:25 - O Debleskro Drom 2021 (Sinte)

²⁵ Jerusalem, miro wast hadau ap tute, te dap tut, te chatchap i tchik tutar win, har kowa o rupeha kerdo well, jaake te atchell o latcho rup pale.

O Debleskro Lab 2024 (Sinte-Manouche)

²⁵ Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

Jesaja 1:25 ပူးပေါင်းရင်းမြစ်များ

Debleskri gili 119:119

I tchilatchen khosseh tu krik kai phubjatar har tchik. Doleske kamau me tire laba, hoi menge sikrenn, har te djiwas.

Jesaja 1:22

Tu Jerusalem, hals har djudjo rup, kanna wal har tchik, hoi rupenes win dikell. Tu hals har latchi mool, kanna hal har mool, kai pani dren hi.

Jesaja 27:9

Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jesaja 4:4

Kowa wella, te thowell o Dewel i tchik tele i menshendar, kai djiwenn an Zion, un lell koi phari doosh krik dran Jerusalem. Te krell lo kowa, hi kowa har i jag, hoi chatchell ko tselo djungelo koowa krik.

Jeremia 6:29

Mire menshe hi har tchiklo rup. O bob chatchas soreles, kai o rup djudjo kerdo hunte wals. Ko tchik was gar win. Djudjo rup atchas gar pral. Lauter his tchitcheske. Mire menshe hi jaake tchilatcho, te well nai o tchilatchepen gar dran lende win.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Jeremia 9:7

Lengro rakepen hi har faile, hoi anenn o merepen. Peskro mujeha rakrell hakeno kamles, an o dji lurell job, har te taprell lo o wawares.

Ezekiel 20:38

Kolen, kai mantsa phagan un mandar tele peran, tchiwau ap i rig. Ninna te lau len win dran kol themma, kai le wi-themarja his, well kek lendar an o them Israel. Palle dikenn un haiwenn tumer, te hom me o baro Dewel.

Ezekiel 22:19

Doleske penell tumenge o baro Dewel, tumaro rai: Tumer halauter wan mange har koi tchik, hoi pral atchell an o bob. Doleske anau tumen halauter an o foro Jerusalem khetne.

Ezekiel 22:20

Jaake har o rup khetne o sasteha un o blaio an o bob tchiddo well, un i jag koi tel kerdo well, te nashell kowa har pani, jaake anau me tumen ninna khetne an Jerusalem. Kau foro well tumenge har i bob, kai well miri tati choli ap tumende.

Ezekiel 22:22

Jaake har o rup an o bob gar atchell hoi lo his, jaake djal tumenge, te well o foro Jerusalem har i bob tumenge. Un tumer dikenn un haiwenn palle, te hom me o baro Dewel, kai tchoras peskri choli pral tumende win.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Maleachi 3:3

Job krell har jek, kai krell o rup djudjo an i jag. Job krell i rashajen dran o kheer Levi jaake djudjo, har sonakai un rup djudjo kerdo wenna. An ko tsiro anenn jon o baro Debleske sawe viechen, hoi tchatcho hi glan leskre jaka.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

5. Mose 32:43

Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!