Jesaja 1:19 - O Debleskro Drom 2021 (Sinte)

¹⁹ Kamenn tumer ap mande te shunell? Palle nai chan tumer o tselo latchepen, hoi o them win anell.

O Debleskro Lab 2024 (Sinte-Manouche)

¹⁹ Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 1:19 ပူးပေါင်းရင်းမြစ်များ

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Jesaja 3:10

I bacht well ap kolende, kai an o tchatchepen tardo hi! Un lauter djal lenge mishto. Ko latcho koowa, hoi le kran, well ap lende pale.

Jesaja 58:14

palle hatseh tchatchi bacht an o baro Debleste. Un me, o baro Dewel, hadau tut pral i pralstune berge. Un dau tut ko them, hoi dom tiro phuro dadeste, o Jakobeste. Kawa hi, hoi o baro Dewel penas.

Jesaja 65:13

Doleske penell o baro Dewel, maro rai: An ko tsiro, kai tumer bokenn, hi mire budepangren chapaske. An ko tsiro, kai tumer trushenn, hi mire budepangren doha te pijell. An ko tsiro, kai han an i ladj, hi mire budepangre an i bacht.

Jeremia 21:8

Un ap kal menshende an o foro Jerusalem pen: Kowa penell o baro Dewel: Tumer nai rodenn tumenge win, hoi kamenna: o djipen oder o merepen.

Jeremia 7:3

Kowa penell o baro Dewel, ko rai pral o bolepen un i phub, – job hi o Israeleskro Dewel: Mukenn tumaro phuro drom un tumaro phuro djipen, palle mukau tumen an kau them te djiwell.

Jeremia 7:5

Mukenn tumaro phuro drom un tumaro phuro djipen, un awenn latcho ap hakeneste!

Jeremia 7:7

Palle kamau me hako tsiro pash tumende djiwell ap kai platsa, an kau them, hoi me tumare phurende dom.

Joel 2:26

Tumen well doha chapaske, un tumer sharenn o baro Debles, kai tumaro Dewel hi, un kras bud sorelo koowa mank tumende. Un tumer, mire menshe, wenn buder gar praassedo.

3. Mose 25:19

Un o them anell tumenge jaake bud win, te hi tumen doha chapaske. Un tumer nai djiwenn an kau them, un tumen hunte well kek daar.

3. Mose 26:3

Te djiwenn jaake, har me tumendar kamau un rikrenn kowa hoi me penom,

3. Mose 26:5

Ko tsiro kai tumer o djob win denn, djal bis te well ko tsiro, kai tchinenn i drake tele. Un ko tsiro, kai tchinenn i drake tele, djal bis te well ko tsiro, kai witsrenn o djob pale win an i phub. Un tumen well budeder har doha chapen. Kek krell tumenge tchilatchepen.

Haggai 1:12

Un o pralstuno, o Serubbabel, koleskro dad o Shealtijel his, un o baro rashai, o Jeshua, koleskro dad o Jozadak his, kolla shunan kol laba. Ninna shunan len kol tsele menshe, kai his gar pandles krik anlo. Kol laba penas lenge o Debleskro rakepaskro, o Haggai, koles lengro baro Dewel pash lende bitchras. Un i menshe lan kol laba an o dji, un trashan o baro Deblestar.

5. Mose 28:1

Kau diwes penau tumenge o baro Debleskre tsele laba, pal kolende hunte djiwenn. Shunenn ap tumaro baro Debleste, un krenn pal kal laba! Palle krell tumendar tumaro baro Dewel i natsjona, hoi budeder an-diklo hi har i tsele wawar natsjone ap i phub.

Hebrearja 5:9

Un job kras kowa lauter, un tchi atchas pral, hoi hunte krals lo gomme. Jaake nai lell lo lauteren, kai ap leste shunenna, hako tsireske dran o tchilatchepen un o merepen win.