Jesaja 1:13 - O Debleskro Drom 2021 (Sinte)

¹³ Ma anenn buder kek chapen chatchepaske! Kowa hi tchitcheske. Ma chatchrenn mange buder kek sungepaskro koowa! Man hi o nak doha. Tumer wenn mange khetne ap o newo tchon, ap o Debleskro diwes un ap wawar bare diwessa. Kowa hi mange gar mishto, jaake rah har mukenn tumer gar tumaro djungelo koowa.

O Debleskro Lab 2024 (Sinte-Manouche)

¹³ Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jesaja 1:13 ပူးပေါင်းရင်းမြစ်များ

2. Rajengro liil 4:23

Koi penas job: “Hoske kameh tu pash leste te djal? Kai diwes hi kek ‘newo-tchon’, witar kek Debleskro diwes.” Koi penas joi: “Muk lauter jaake!”

1. Familjakro liil 23:31

Ninna hunte wenn le glan o baro Debleste tardo, an kol diwessa, kai marenn i rashaja o baro Debleske viechen, hoi leske tseles chatchedo wenn. Kowa his ap o Debleskro diwes, un ap ko diwes, kai o newo tchon diklo well, un ap i tsele wawar bare diwessa. Hako diwes hunte wenn jaake bud Levitarja glan o baro Debleste, har glan tchinlo hi.

Debleskri gili 78:40

Bud kope hadan le pen ap leste an o mulo tato them, un dukran leskro dji.

2. Mose 12:16

Ap o ersto diwes awenn khetne, te mangenn man an. Ninna ap o eftato diwes krenn kowa! Ma budrenn ap kol dui diwessa! Kokres o chapen, hoi hakeno chala, nai krenn tumer.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Gosewe laba 7:14

Kau diwes anom o Debleske i viecho, jaake har leske sowel dom. Ko mass hi khere pash mande.

Jesaja 66:23

Un hako tchon, ap ko diwes, kai well o newo tchon diklo, un hako kurko ap o Debleskro diwes, wenna menshe dran hake themma glan mande, te witsrenn le pen glan mande tele, penell o baro Dewel.

Jesaja 66:3

Kowa, kai mange i gurum marell, marell ninna i menshes i chocheno debleske. Kowa, kai mange i terno bakro temerl dell, marell ninna i djukles i chocheno debleske. Kowa, kai mange chapen glan anell, anell ninna balengro rat i chocheno debleske. Kowa, kai mange sungepaskro koowa chatchrell, parkrell pes ninna pash i chocheno debleste. Jon djan pengre dromma jaake har jon les kamenna. Un shukar hi an lengre jaka, hoi an mire jaka djungeles hi.

Ropaskre gilja 2:6

Job phagas peskro kheer tele, har te wals lo i kashteno kheer an i baar, un kras koi platsa paash, kai wam khetne glan leste. Job kras, te well buder kek an o foro Zion ap i bare diwessa un ap o Debleskro diwes. An peskri soreli choli tchiwas lo o baro rajes un i rashajen pale.

Ezekiel 20:39

Tumer dran o kheer Israel, shunenn, hoi o baro Dewel, tumaro rai, penell: Krenn, hoi kamenn! Hakeno tumendar nai mangell peskro chocheno debles an! Tchatchepah, pal kowa well ko tsiro, kai shunenn pale ap mande, un anenn buder kek ladj ap mande tumare chochene deblentsa, un koleha, hoi lenge chatchrenn.

Hosea 2:11

Doleske kamau miro djob un mire drake pale te lell an ko tsiro, kai le baro wan, un dren anlo wans. Ninna lau latar mire bakrengre balla, un miro laintikre thaba lakre ripjenge.

Joel 1:14

Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

3. Mose 26:31

Me mukau tumare forja an kotja te dell, un dau kol platse paash, kai tumare chochene deblen an-mangan. Un kowa, hoi tumer mange chatchrenn, un ko latcho sungepen, hoi well win, kowa kamau buder gar te sungell.

Maleachi 1:10

‘Kamaus, te wals jek tumendar koi, kai krals o wudja an miro kheer pandles, te krenn tumer gar tchitcheske i jag ap miri chatchepaskri! Man hi doha tumendar’, penell o baro Dewel, ko rai pral o bolepen un i phub. ‘Un kol marede vieche, hoi mange anenn, hi mange gar mishto.’

4. Mose 10:2

Kre tuke dui phurdepangre dran latcho rup! An kolende well dren phurdedo, te kameh tu, te wenn i tsele Israelitarja khetne, ninna te hunte djan le dureder.

Mateo 15:9

Jon te mangenn man an, hi kowa mange tchi moldo! Jon penenn i menshenge i menshengre laba un gar mire laba.

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

1. Korintarja 11:17

Kanna hunte penap tumenge tchomone, kai nai sharau tumen gar. Te wenn tumer patsle khetne, krenn tumer budeder, hoi tumenge gar mishto hi, har te krans kowa, hoi tumenge mishto hi.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

Filiparja 1:15

Mashkral lende hi ninna sawe, kai silwerenn ap mande. Kolla rakrenn o Jesus Kristestar, te sikrenn le mande, kai jon kowa feteder haiwenna har me. Jon krenn kowa dran i tchilatcho dji un kamenn, te well mange budeder ropaske. Wawar sikrenn i menshende o Jesuseskro drom dran i latcho dji. Jon kamenn man o djijestar un djinenna, me hom kate stildo, te sikrap o Jesuseskro drom i tchatchepangren jaake, te djinenn le o tchatchepen.