Jesaja 1:12 - O Debleskro Drom 2021 (Sinte)

¹² Te wenn tumer glan mande, glan miro kheer, stakrenn tumer i platsa glan miro kheer khetne. Koon penas tumenge te krenn tumer kowa?

O Debleskro Lab 2024 (Sinte-Manouche)

¹² Te venn t'mer glan mande, glan miro kheer, stakrenn t'mer i platsa glan miro kheer khetne. Koon penas t'menge te krenn t'mer kova?

Jesaja 1:12 ပူးပေါင်းရင်းမြစ်များ

Debleskri gili 40:6

Miro baro Dewel, har bud hi ko baro koowa, hoi tu ap mende kral, hoi kek wawar nai krals, har tu kokres. Te kamoms pral kowa lauter te rakrell, nai kroms kowa gar, jaake bud hi kowa.

2. Mose 23:17

An kal bare diwessa, triin kope an o bersh, hunte wenn i tsele mursha glan o baro Debleste, pengro rajeste an leskro kheer.

2. Mose 34:23

Ap kol bare diwessa, triin kope an o bersh, hunte wenn i tsele mursha glan mande, lengro rajeste. Me hom o baro Dewel, o Dewel pral o Israel.

Sikepaskro 5:1

Ma kre tiro mui sik pre, te rakreh glan o Debleste. O Dewel hi an o bolepen, un tu hal ap i phub. Doleske kre gar bud laba, te rakreh.

Jeremia 7:11

Kau kheer, hoi mange kerdo was, hi kawa tumenge i kheer, kai i tchorepangre pengro tchoredo koowa khatrenn? Mishto, palle dikau me kowa ninna jaake, penell o baro Dewel.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Zakarie 7:5

“Pen i tsele menshenge an o them un kol rashajenge: Har chan tumer tchi un dan gole ropah an o pantchto tchon un an o eftato tchon an kal efta-deesh bersha, kran tumer kowa mange? Na-a!

Mateo 23:5

Lauter, hoi kolla krenna, krenn le, te dikenn kowa i wawar. Te pandenn le i diklo trul o shero un trul i mussi, kai o Debleskre laba dren tchinlo hi, jaake hi lengro diklo buchleder har ko diklo i wawar murshendar. Un len hi lengste koola ap pende, te sikrenn le i menshende, te hi le o Debleskre mursha.

5. Mose 16:16

Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.