Jeremia 9:8 - O Debleskro Drom 2021 (Sinte)

⁸ Dap me sawe menshen kek phagi, penell o baro Dewel. Mukap me kal menshen jaake te djal, un krap lenge tchi?

O Debleskro Lab 2024 (Sinte-Manouche)

⁸ Dap me save menshen kek phagi, penell o baro Devel. Moukap me kal menshen yaake te djal, oun krap lenge či?

Jeremia 9:8 ပူးပေါင်းရင်းမြစ်များ

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 12:3

Hakeno chochell o wawares. Jon rakrenn dui tchipjentsa un dran dui djia.

Debleskri gili 120:3

Hoi te krell lo tumentsa, tumer chochene? Hawi phagi anell lo ap tumende?

Debleskri gili 28:3

Ma kre mantsa har i tchilatchentsa un kolentsa, kai krenn i wawarenge tchilatchepen, kai rakrenn latches, un an lengro dji hi tchilatchepen!

Debleskri gili 35:20

Jon rakrenna, hoi dukepen anella. Un anenn chochepen pre ap kolende, kai djiwenn kek tchingepah an kau them.

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Debleskri gili 62:5

Tumenge djal an o shero trujel, har nai krenn te perap khetne. O chochepen hi tumenge shukar. Tumare mujentsa rakrenn tumer i bacht win pral jekeste, un an tumare djia rakrenn i bibacht pral leste.

Debleskri gili 64:8

O Dewel dell ap lende karje. Sik hi le ap i phub tchiddo.

Gosewe laba 25:18

Kowa, kai ap i wawareste chochepen pre anell, sawo hi har i tower, un i charo, un tchinell har i tchuri.

Jeremia 5:26

O baro Dewel penella: Mashkral mire menshende hi tchilatche menshe, kai lurenn ap wawarende, te taprenn le len, har kolla, kai tapenn i tchirklen dren,

Jeremia 5:9

Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.

Jeremia 9:4

Jon lauter chochenn pengre malen. Un kek rakrell laba, hoi tchatcho hi. Jon penan pengre tchipja, te rakrenn le chochepen. Pale te pale krenn le tchilatchepen ap i wawarende,

Jeremia 9:5

Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.