Jeremia 9:7 - O Debleskro Drom 2021 (Sinte)

⁷ Lengro rakepen hi har faile, hoi anenn o merepen. Peskro mujeha rakrell hakeno kamles, an o dji lurell job, har te taprell lo o wawares.

O Debleskro Lab 2024 (Sinte-Manouche)

⁷ Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Jeremia 9:7 ပူးပေါင်းရင်းမြစ်များ

2. Samuel 13:26

Koi penas o Absalom ap leste: “Nai djal gar miro phraal Amnon mentsa?” Putchas o baro rai: “Hoske hunte djal job tuha?”

2. Familjakro liil 36:15

Un o baro Dewel, lengro phurengro Dewel, bitchras bud bitchepangren pash lende, te dell lo len trad. Les khaitan peskre menshen un peskro kheer.

Debleskri gili 120:4

Jagengre faile dell i kurepaskro karje ap tumende!

Debleskri gili 55:22

Leskro rakepen hi gudlo har gwin. An leskro dji kamell le o kurepen. Leskre laba hi har djet, un tchinenn har chare.

Debleskri gili 62:5

Tumenge djal an o shero trujel, har nai krenn te perap khetne. O chochepen hi tumenge shukar. Tumare mujentsa rakrenn tumer i bacht win pral jekeste, un an tumare djia rakrenn i bibacht pral leste.

Jesaja 1:25

Jerusalem, miro wast hadau ap tute, te dap tut, te chatchap i tchik tutar win, har kowa o rupeha kerdo well, jaake te atchell o latcho rup pale.

Jesaja 48:10

Dik, jaake har rup an i jag tchiddo well, te wenn i djungele barra win, jaake mukom tumen an phare tsirja te well, te wenn djudjo mange.

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Jeremia 6:27

O baro Dewel penas ap mande: Me kamau, te djas tu pash mire menshende, un dikess, hoi jon krenna, un har jon djiwenna.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Maleachi 3:3

Job krell har jek, kai krell o rup djudjo an i jag. Job krell i rashajen dran o kheer Levi jaake djudjo, har sonakai un rup djudjo kerdo wenna. An ko tsiro anenn jon o baro Debleske sawe viechen, hoi tchatcho hi glan leskre jaka.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Petro 4:12

Kamle mala, tumaro dji well gar dareno, te wenn tumer soreles palla lino. Sawo koowa djal kolenge, kai patsle hi. Kote well diklo, har tumaro patsepen hi.