Jeremia 9:4 - O Debleskro Drom 2021 (Sinte)

⁴ Jon lauter chochenn pengre malen. Un kek rakrell laba, hoi tchatcho hi. Jon penan pengre tchipja, te rakrenn le chochepen. Pale te pale krenn le tchilatchepen ap i wawarende,

O Debleskro Lab 2024 (Sinte-Manouche)

⁴ Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Jeremia 9:4 ပူးပေါင်းရင်းမြစ်များ

1. Mose 32:28

Koi putchas lestar ko mursh: “Har khareh tu?” “Jakob”, penas job.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

Gosewe laba 10:18

Koles hi i chocheno mui, kai peskri choli ap i wawareste khatrell. Un kowa, kai chochepen pral i wawareste rakrell, hi i dinelo.

Gosewe laba 25:18

Kowa, kai ap i wawareste chochepen pre anell, sawo hi har i tower, un i charo, un tchinell har i tchuri.

Gosewe laba 4:16

Kol menshe nai sowenn gar jaake rah bis te kran le tchomone tchilatcho. Lenge well o sopen randedo, te anan le gar jekes an i bibacht.

Gosewe laba 4:17

Lengro tchilatcho koowa hi lengro chapen, hoi krell len tchalo. Jon djan i sorjah ap i wawarende pre. Un kowa hi lenge shukar har te pijenn le mool.

Gosewe laba 6:16

Shob koowa hi, ap kolende dikell o baro Dewel chojedes; un i eftato koowa hi leske o djungleder:

Gosewe laba 6:19

jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

Jesaja 59:13

Mer phagam maro baro Debleha, djiwam har te prindjrams les gar, un peram lestar tele. Kram i wawaren tiknes maro rakepah, un phukram ap lende. Lam men chochepen glan un rakram chochepen.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jeremia 12:6

Ninna tire phrala un i menshe dran tiro dadeskro kheer mukan tut te perell, un dan tchilatches gole pal tute har kol wawar. Dik tut glan lendar, ninna te rakrenn jon kamlo tuha.

Jeremia 6:28

Jon djan lauter penge krik mandar, un rakrenn djungeles jek pral o wawareste. Djia dran saster hi len. Jon lauter djiwenn an o chochepen.

Jeremia 9:8

Dap me sawe menshen kek phagi, penell o baro Dewel. Mukap me kal menshen jaake te djal, un krap lenge tchi?

Ezekiel 22:9

Mank tumende hi sawe menshe, kai rakrenn chochepen, te anenn le doosh ap wawarende, jaake te wenn kolla maredo. Wawar tumendar chan o mass sawe viechendar, hoi i chochene deblenge maredo wan, un krenn wi-ladjedo koowa mank tumende:

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

Maleachi 2:10

Men halauteren hi jek dad! O emligo Dewel kras men halauter! Hoske phukrell ko jek ap o wawareste, un rikrell pes gar ap kowa, hoi o baro Dewel mare phurentsa win kras?

Mateo 10:17

Denn jak, hoi i menshe tumentsa krenna! Jon anenn tumen glan i tchatchepangre, un mukenn tumen an lengre kangria i tchupnijah dawa te dell.

Mateo 10:21

Ap ko tsiro dell i phraal peskro phrales an lengre wasta, te well lo maredo. Un o dad dell o tchawes an lengre wasta, te well job maredo. Un i tchawe hi midjak ap pengre dadende un pengre dajende, un denn len an i wasta kolendar, kai marenn len.

Louka 21:16

Un tumaro dad un tumari dai, tumare phrala un phenja, un tumare wawar menshe phukrenn ap tumende, ninna tumare mala. Un mank tumende hi sawe, kai wenn maredo.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.