Jeremia 9:22 - O Debleskro Drom 2021 (Sinte)

²² I gosewo te sharell pes gar, kai job gosewo hi. I sorelo te sharell pes gar, kai job sorelo hi. I brawelo te sharell pes gar, kai job brawelo hi.

O Debleskro Lab 2024 (Sinte-Manouche)

²² I gosevo te sharell pes gar, kay yob gosevo hi. I zorelo te sharell pes gar, kay yob zorelo hi. I bravelo te sharell pes gar, kay yob bravelo hi.

Jeremia 9:22 ပူးပေါင်းရင်းမြစ်များ

2. Rajengro liil 20:13

Un o Hiskija las len kamles pre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.

2. Rajengro liil 20:15

Un job putchas: “Hoi dikan le an tiro kheer?” O Hiskija penas: “Jon dikan halauter, hoi an miro kheer hi. Un tchi dran miro brawlepen hi koi, hoi me len gar mukom te dikell.”

2. Rajengro liil 9:37

Un joi well har viechengro ful ap o them pash Jesreel. Kek penell nai buder: Kowa hi i Isebel.”

Hiob 5:13

Job taprell i gosewen an pengro goswepen. Un kowa, hoi kolla dui tchipjentsa mank pende win kran, kowa mukell lo gar te djal.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Debleskri gili 83:10

Miro Dewel, kre lenge, har kral ap i Midianarja, ap o Sisera, un ap o Jabin pash ko tikno pani Kishon.

Gosewe laba 18:11

Glan i braweleskre jaka hi leskro brawlepen har i sorelo foro un har i bari massuri trul leste.

Gosewe laba 23:4

Ab jaake gosewo, te maress tut gar tele, brawelo te well.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 25:33

Ap ko diwes marell o baro Dewel menshen ap i tseli phub jek rigjatar ap i wawar. Un i mule menshe hi koi tchiddo, un kek rowell pral lende, hadell len pre un paskrell len. Jon atchenn tchiddo har ful ap i phub.

Jeremia 6:21

Doleske penell o baro Dewel: Me kamau kal menshenge bud barra an o drom te tchiwell, te perenn i mursha un lengre tchawe koi pral. Un ninna kolla, kai djiwenn pash lende, un lengre mala wenn maredo.

Jeremia 7:33

Tchirkle un diwje vieche chan kol mule menshen pre, un kek tradell len krik.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Habakuk 1:11

Palle djan le dureder jaake sik har i sorelo phurdepen, un nashrenn kek tsiro; dran pengri soor krenn jon pengro dewel.

Zefanja 1:17

I menshe kran tchilatchepen ap mande. Doleske krau len darenes, te nashenn le trujel har korele menshe. Lengro rat te nashell ap i phub har tchik, hoi krik witsedo well. Un lengre buke wenn krik witsedo har te wans le ful.

5. Mose 8:17

Un tumer te nai penenn gar an tumare djia: Miri soor un mire wastengri budi anas mange kau tselo brawlepen!