Jeremia 9:16 - O Debleskro Drom 2021 (Sinte)

¹⁶ O baro Dewel, ko rai pral o bolepen un i phub, penell: Denn garda ap kowa, hoi wella! Denn kol djuwjen gole, kai i baro ropen krenna! Bitchrenn pal kolende, kai haiwenn ropaskre gilja te giwenn!

O Debleskro Lab 2024 (Sinte-Manouche)

¹⁶ O baro Devel, ko ray pral o bolepen oun i phoub, penell: Denn garda ap kova, hoy vella! Denn kol djouvyen gole, kay i baro ropen krenna! Bičrenn pal kolende, kay hayvenn ropaskre gilya te givenn!

Jeremia 9:16 ပူးပေါင်းရင်းမြစ်များ

Nehemia 1:8

Ma biste tiro lab, hoi dal tu leske, har tu penal: ‘Tumer te phagenn mantsa, palle tradau me tumen dran tumaro them, un tumer hunte djiwenn mank wawar menshende.

Debleskri gili 106:27

un tradell lengre tchawen an wawar themma, te djiwenn jon mank wawar menshende.

Sikepaskro 12:5

Tut hi traash glan i treppa. Un ap o drom nai pereh. Tire balla wenn parno. Un tu tserdeh tut jek rigjatar ap i wawar. Tut hi buder gar bud bok. O mensho hunte djal peske kote, kai atchell lo hako tsiro. Un i wawar paskrenn les un rowenn ap o drom.

Jeremia 13:24

Doleske tradau tumen kate te kote, te atchenn gar buder khetne, jaake har phurdell o ducho dran o mulo tato them o phuss kate te kote.

Jeremia 24:10

Me anau kurepen, bok un nasslepen mank lende, bis te kek lendar pral atchas an kau them, hoi dom len un lengre phurende.

Jeremia 25:27

Un o baro Dewel penas mange: Pen lenge: Kowa hi, hoi penell o baro Dewel, ko rai pral o bolepen un i phub, kones i Israelitarja an-mangenn: Pijenn, te wenn mato un hunte tchadenn, bis te perenn tele un nai stenn gar buder pre! Perenn an o charo, hoi bitchrau mank tumende!

Jeremia 29:17

O baro Dewel, ko rai pral o bolepen un i phub penell: Me bitchrau kurepen, bok un nasslepen mank lende, un krau lentsa, har te wans le djungele faige, hoi nai chal kek.

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Jeremia 7:29

Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Ezekiel 11:17

Me, o baro Dewel, lengro rai, lau len khetne dran kol tsele themma un natsjone, an kolende jon tradedo wan, un dau len o them Israel pale.

Ezekiel 12:15

Palle, te tradom len an wawar themma un mank wawar menshende, dikenn un haiwenn le, te hom me o baro Dewel.

Ezekiel 14:17

Te mukoms me i kurepen win te phagell an ko them, un mukoms menshen un viechen kote mulo te dell,

Ezekiel 20:23

Me hadom miro wast pre, un dom man sowel kote an o mulo tato them, te tradap len an wawar themma un mank wawar menshende,

Ezekiel 27:2

Tu mensho, gib i ropaskri gili pral o foro Tirus!

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Ezekiel 5:2

Ap ko tsiro, kai well o foro dren lino, chatche jek triinto kotar fun kol balla mashkral an o foro. Un i wawar triinto kotar de ko chareha paash win glan kol foreskre wudja. Un ko wawar triinto kotar witse pre, te lell len o ducho peha! Jaake lau me i menshen dran Jerusalem palla o chareha.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Amos 5:16

Un pral tumari doosh penell o baro Dewel, ko rai pral o bolepen un i phub: Ap i tsele platse wenn ropaskre gilja shunlo, un ap i tsele dromma denn le gole: Hawi grecha, hawi grecha! Ninna i hache wenn dren gole dino, te rowenn le pral kolende, kai meran. Un lauter, kai ropaskre gilja haiwenn, wenn kharedo, te giwenn le ropaskre gilja!

Micha 2:4

An ko tsiro giwenn le i sapaskri gili pral tumende, un krenn tumen palla, har tumer rowenn: “Halauter hi nashedo. Mer ham khetne maredo! Maro them las o Dewel mendar, un das les kolende, kai lan men pandlo.”

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.

5. Mose 28:36

O baro Dewel tradell tumen un ko rajes, koles tumer pral tumende tchiwan, pash i menshende an i wawar them, kai tumer an kek tsiro djiwan, witar gar tumare phure. Un kote mangenn tumer un barrengre deblen an.

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.