Jeremia 8:6 - O Debleskro Drom 2021 (Sinte)

⁶ Me dikau un shunau, kai rakrenn jon gar o tchatchepen. Koi hi kek, kai khaitell les hawo tchilatchepen job kras. Kek putchella: Hoi krom me? Hakeno nashella dureder ap peskro drom, har i grai an o kurepen.

O Debleskro Lab 2024 (Sinte-Manouche)

⁶ Me dikau oun shounau, kay rakrenn yon gar o čačepen. Koy hi kek, kay khaytell les havo čilačepen yob kras. Kek poučella: Hoy krom me? Hakeno nashella doureder ap peskro drom, har i gray an o kourepen.

Jeremia 8:6 ပူးပေါင်းရင်းမြစ်များ

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Hiob 34:31

I mensho hunte penals ap o Debleste: “Me hidjrau miri doosh, un kamau buder gar tchilatcho koowa te krell.

Hiob 34:32

Sike tu man, hoi me gar dikau! Te his kowa tchilatches, hoi me krom, krau me les palle buder gar.”

Debleskri gili 14:2

O baro Dewel dikell dran o bolepen tele ap i menshende, te dikell lo: Dell jek, kai gosewo hi un pal leste putchella?

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 57:17

Lengri doosh his, te lan le gar doha. Pral kowa wom chojedo, un koleske dom me len, khatrom man glan lende un choirom man. Un jon djan dureder ap pengro drom un wan gar pale pash mande.

Jesaja 59:16

Un bare jakentsa dikell lo, te hi kek mursh koi, kai koi djal, te well lo kolenge ap i rig, kai tele rikedo hi. Kote was lo kokres peskri sorjah, un peskro tchatchepen was leske pash o wast.

Jeremia 23:25

Me shunom mishto, hoi kal rakepangre rakrenn, har penenn jon chochepen glan-wi un penenn: ‘Kowa well o baro Deblestar. Me dom les suni. An i suni penas o Dewel kowa mange.’

Jeremia 3:5

Kameh tu hako tsiro chojedo atchell un tchilatches ap mande te dikell?’ Jaake rakreh un kreh tchilatchepen, un mukeh tuke tchi te penell.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Ezekiel 18:28

Job dikas peskri tseli doosh dren, hoi lo ap peste anas, un mukas peskro tchilatcho drom, doleske atchell lo djido un hunte merell gar.

Ezekiel 22:30

Un me rodom i murshes mank lende, kai krals i massuri trul o foro pale newes. Rodom jekes, kai tchiwas pes pre glan mande kote, kai i barra win phagedo wan, un rakrals mishto kol menshenge, te hunte marap len gar. Un me hatsom kekes.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Zefanja 3:7

Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.

Haggai 1:5

Doleske penell o baro Dewel, ko rai pral o bolepen un i phub: Denn garda har tumenge djala:

Haggai 1:7

Kawa penell o baro Dewel, ko rai pral o bolepen un i phub: Haiwenn, hoske tumenge jaake djala!

Maleachi 3:16

Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.

2. Petro 3:9

Hi menshe, kai penenna: “O rai Jesus lell pes bud tsiro, te well lo pale.” Kowa hi gar tchatcho. Les hi i baro dji tumenge, un kamell, te djal kek tumendar nashedo. Job kamella, te mukell hakeno peskro tchilatcho drom un well ap o Debleskro drom.

Debleskro tsiro 9:20

Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.