Jeremia 8:5 - O Debleskro Drom 2021 (Sinte)

⁵ Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

O Debleskro Lab 2024 (Sinte-Manouche)

⁵ Hoske nashrenn pen kal menshe an o foro Yerusalem pale te pale, oun rissrenn gar trouyel? Yon ačenn pash kol rhorhene deblende, oun kamenn gar palpale pash mande te vell.

Jeremia 8:5 ပူးပေါင်းရင်းမြစ်များ

Gosewe laba 4:13

Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jeremia 14:7

Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

Jeremia 2:32

Nai bistrell i terni tchai peskro sonakai, i terni djuwel, kai kamell romedinerell, peskro bijabeskro ripen? Na-a! Mire menshe bistrenn man pale te pale.

Jeremia 3:5

Kameh tu hako tsiro chojedo atchell un tchilatches ap mande te dikell?’ Jaake rakreh un kreh tchilatchepen, un mukeh tuke tchi te penell.

Jeremia 5:27

un kolen tchirklengre khera pherde tchirkle hi. Jaake hi lengre khera pherdo tchoredo koowa. Doleske wan jon baro un brawelo.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Jeremia 6:19

I menshe ap i tseli phub hunte shunenn kowa. Me kamau bibacht pral kal menshende te anell. Ap mire laba denn le kek garda, un djan gar ap miro drom. Doleske lenn le pengri phagi.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

Hosea 11:5

An o them Egiptia djan le gar pale. O them Assur well o rai pral lende, doleske kai kaman le gar pale pash mande te well.

Hosea 11:7

Mire menshe atchenna krik mandar, un kamenn gar pash mande te well. Ninna te wenn le pash mande, o pralstuneste, hadenn le man gar.

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Hosea 4:16

I menshe an Israel hi har i diwji grumni, un mukenn pen tchi te penell. Har nai krals o baro Dewel lentsa, har te wans le tikne bakre, un nai anals len win ap i buchlo kotar phub, te hatsenn le kote senlepen?

Zakarie 7:11

Mire menshe kaman gar jak te dell ap mire laba, un rissran mange pengro dumo, un pandan pengre kanda, te shunenn le gar, hoi me lenge penom.

Johanni 5:40

Pash mande kamenn tumer gar te well, te lenn ko djipen, hoi gar pre-herella.

1. Tessalonikarja 5:21

Denn jak, te well ko lab, hoi job penas, tchatchepah o Deblestar! Un rikrenn kowa, hoi mishto hi!

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Debleskro tsiro 2:25

har kowa, te rikrenn mire laba soreles an tumare djia, jaake rah bis te wau pale.