Jeremia 8:22 - O Debleskro Drom 2021 (Sinte)

²² Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

O Debleskro Lab 2024 (Sinte-Manouche)

²² Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Jeremia 8:22 ပူးပေါင်းရင်းမြစ်များ

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

Jeremia 14:19

Dal tu kol menshen an Juda pre? Kameh tu o forestar Zion tchi buder djinell? Hoske dal tu men jaake, kai nai krell men kek buder sasto? Mer patsam, kai well lauter mishto. Tchi was mishto! Mer kamam, te well i tsiro, kai kowa, hoi an mende nasselo hi, sasto wals. Kowa was gar. I daar was.

Jeremia 22:6

Un kowa hi, hoi o baro Dewel penell pral o kheer o baro rajestar pral o them Juda: Ninna te kamau kau kheer jaake har i wesha an o them Gilead un i berge Libanon, krau kau foro har i mulo foro, kai kek buder djiwell.

Jeremia 46:11

Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jeremia 51:8

Har i khoro tele perell un an kotja phagell, jaake sik peras o foro Babilon un khetne phagedo. Rowenn pral o foro Babilon! Anenn leske dukepaskro djet, Nai well, te well lo pale sasto!

Jeremia 6:7

Jaake har dran i brunna o pani wella, jaake well dran o foro o tchilatchepen. I gole kolendar, kai wenn sorjah tele rikedo un dukedo, shunau. Menshe lenn glan mande dawa un wenn maredo.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Ezekiel 27:17

I themma Juda un i Israel paran tuha un dan tut: latcho gib, hoi was dran o foro Minnit, ninna wawar jarro, gwin, djet un rukengro djet, hoi mishto sungell.

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

Louka 8:43

Koi pashel his i djuwel. Kolat hi deesh-te-dui bersha i ratlo nasslepen. Koja das lauter, hoi lat his djipaske, i dramangren, un kek nai kras lat sasto.