Jeremia 8:17 - O Debleskro Drom 2021 (Sinte)

¹⁷ Me, o baro Dewel penau: Me bitchrau tchilatche sapa pash tumende, sawe, kai anenn o merepen. Kolen nai rikrell kek pre. Kolla dandrenn tumen.

O Debleskro Lab 2024 (Sinte-Manouche)

¹⁷ Me, o baro Devel penau: Me bičrau čilače sapa pash t'mende, save, kay anenn o merepen. Kolen nay rikrell kek pre. Kolla dandrenn t'men.

Jeremia 8:17 ပူးပေါင်းရင်းမြစ်များ

Debleskri gili 58:6

Jon pandenn pengre kanda har i sap, kai kamell gar te shunell, hoi o durkepaskro ap leste rakrell, ninna te haiwell lo mishto i sapentsa te rakrell.

Sikepaskro 10:11

I murshes, kai haiwell mishto o sapeha te rakrell, hi tchi kolestar, te well job dandedo, glan te durkras lo o sap.

Jesaja 14:29

Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Amos 5:19

Kowa hi har te nashals jek peske glan o lewo, un i wawar baro diwjo viecho taprals les. Job khatrell pes an i kheer, tchiwell peskro wast ap i wanta, un i sap dandrell les.

Amos 9:3

Ninna te khatrenn le pen pral ap i berga Karmel, rodau me len un lau len tele. Ninna te khatrenn le pen mandar tele an o baro pani, jaake penau o panjeskro sap, te dandrell lo len.

4. Mose 21:6

Koi bitchras o baro Dewel tchilatche sapa mank kol menshende. Kolla dandran len jaake, te meran bud Israelitarja.

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

Debleskro tsiro 9:19

I grajen hi lengri soor an lengre muja un an lengre porja. Lengre porja hi har sapa, un len hi shere. Kolentsa dukrenn le i menshen phares.