Jeremia 8:16 - O Debleskro Drom 2021 (Sinte)

¹⁶ Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

O Debleskro Lab 2024 (Sinte-Manouche)

¹⁶ Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Jeremia 8:16 ပူးပေါင်းရင်းမြစ်များ

Hiob 39:20

Dal tu leske i soor, te stell lo har i stepaskro? Te phurdell lo soreles win dran peskro nak, darenn i menshe.

Debleskri gili 24:1

I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Jeremia 10:25

Tiri choli muk te well pral kol menshende, kai kamenn tutar tchi djinell, pral kolende, kai tut gar sharenn! Har diwje vieche wawar viechen chan, jaake chan jon o Jakobeskre menshen pre, bis te buder tchi pral atchas, Un dran leskro them kran jon i mulo them.

Jeremia 3:24

Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 30:16

Tu hunte djiness, kolla lauter, kai chan tut, wenn ninna chalo. Un lauter, kai kran tut daar, wenn pandles krik anlo. Un kolla, kai tchoran tiro koowa, wenn ninna win tchoredo. Un kolla, kai randan tut, wenn ninna randedo.

Jeremia 30:5

Job penas: Mer shunah i gole i trashatar; kokres i daar hi koi un kek latchepen.

Jeremia 4:24

Me dikom ap kol bare un tikne berge. Kolla trissan.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 47:3

Jon shunenn, har i herja kol sorele grajendar kote pre stakrenna, un koi bari gole, hoi i rade lengre kurepangre wurdjendar krenn. Koi lenn le jaake daar, te dikenn pen i dada gar trujel pal pengre tchawende.

Jeremia 5:17

Jon chan tiro djob un tiro maro, tire tchawen, tire tchen, tire bakren un grumjen, tire drake, tire faigetikre ruka. Tumer patsenn, te djal tumenge tchi an tumare sorele forja. Kolen lenn jon tumendar o chareha krik.

Jeremia 50:42

Len hi boge un chare. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Babilon.

Jeremia 51:29

I phub trissella un darella! Kowa, hoi o baro Dewel pes glan las, well jaake: O foro Babilon un o tselo them Babilonia well i mulo them, kai buder kek nai djiwella.

Jeremia 6:23

Lengre lurde kurenn pen i bogentsa un i charentsa. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Zion!

Nahum 3:2

I klissepangre wenna! Shunenn, har denn le pengre tchupjentsa! Jaake sik har djala nashenn i graja. I wurdja ulerenn, te krenn i rade bari gole. I klissepangre hadenn pengre sasterne chare un witsepaskre tchurja. Koi hi le tchiddo – bud bud marede menshe, jaake bud, te perenn i djide pral lende. Jaake bud mule, te nai djinell kek, har bud jon hi.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

1. Korintarja 10:26

Djinenn, i phub un lauter, hoi koi pre hi, hi o Debleskro.

1. Korintarja 10:28

Kowa hi wawartchandes, te penell tumenge jek: “Kau chapen was i debleste dran kasht un bar dino.” Palle ma chan ko mass, te well koleskro dji gar djungeles, kai kowa tumenge penas. Job nai penals: “Hi mishto, te chap ko chapen.”

Čačepangre 18:29

Un jon dan ko fores o lab Dan, jaake har lengro phuro dad kharas, koleskro dad o Israel his. Glan kowa kharas ko foro Lajish.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 5:22

Kote nashan i graja sikeder. Klak-klak, klak-klak, shunenn koi bari gole, hoi lengre pire kran!