Jeremia 7:32 - O Debleskro Drom 2021 (Sinte)

³² “Doleske well ko tsiro”, penell o baro Dewel, “kai penenn le gar buder Tofet un Ben Hinnom ap koi tala. Palle kharell koi tala ‘tala, kai wan le maredo’. Kote paskrenn le pengre mulen, kek wawar platsa hi buder koi.

O Debleskro Lab 2024 (Sinte-Manouche)

³² “Doleske vell ko tsiro”, penell o baro Devel, “kay penenn le gar bouder Tofet oun Ben Hinnom ap koy tala. Palle kharell koy tala tala, kay van le maredo. Kote paskrenn le pengre moulen, kek vavar platsa hi bouder koy.

Jeremia 7:32 ပူးပေါင်းရင်းမြစ်များ

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

Jeremia 19:11

Pen ap lende: Kowa penell o baro Dewel, ko rai pral o bolepen un i phub: Me dau paash kal menshen un kau foro, har deh sorjah i khoro jaake paash, kai nai kreh kowa gar buder tselo. Un i menshe paskrenn i mulen ap i platsa Tofet, – kek wawar platsa hi lenge koi.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 19:2

Un dja win an koi tala Ben-Hinnom, kai glan ko foreskro wudar hi, kai i paash-dine pirja tchiddo hi. Un pen i menshenge kol laba, hoi me tuke penau.

Jeremia 19:6

Doleske well i tsiro, kai penenn jon ap kai platsa gar buder ‘Tofet’ un ‘tala Hinnom’. Jon penenn koi pre ‘marepaskri platsa’.

Jeremia 31:40

Un koi tseli tala, kai i mule paskedo hi, un i jagakri tchik win tchoredo was, tele bis pash o pani Kidron, pral bis pash o grajengro wudar, hoi ap koi rig hi, kai o kham pre djal, koi tseli tala hi o baro Debleske. Un ko foro well buder gar tele phagedo un paash kerdo – an kek tsiro.

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

Ezekiel 6:4

Kol chatchepangre, kai vieche chatchedo wenn, ninna kol boba, kai sungepaskro koowa chatchedo well, wenn khetne phagedo. Un kolla, kai tumendar mulo dino wenn, witsrau glan tumare chochene deblen ap i phub. Un i kokale kol mule Israelendar witsrau trul kol chatchepangre, kai mangan kol chochene deblen an.

3. Mose 26:30

Me krau kol mulne platse paash, kai tumer tumare deblenge viechen chatchrenna. Un kol boba, kai tumer lenge sungepaskro koowa chatchrenn, phagau khetne. Tumare mulen witsrau ap kol paash-dine figuren, un tumendar kamau buder tchi te djinell.