Jeremia 7:28 - O Debleskro Drom 2021 (Sinte)

²⁸ Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

O Debleskro Lab 2024 (Sinte-Manouche)

²⁸ Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Jeremia 7:28 ပူးပေါင်းရင်းမြစ်များ

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 50:17

Kowa choirell tut, te hunte rikress tut ap mire laba. Kowa, hoi tuke penom, kameh tu gar te krell.

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Jesaja 30:9

Kal menshe peran mandar tele. Har tchawe hi le, kai rakrenn chochepen, un kamenn gar mire laba te shunell.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 17:23

Jon shunan gar ap mande, un dan gar jak ap mire laba, djan pal pengro shero, un rikrenn pen gar ap kowa, hoi lenge penom.

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 32:33

kolla lauter sikran mange pengro dumo un gar lengro mui. Ninna te dom me lenge an hako tsiro sikepangre, kai sikran len miro drom, kaman jon gar te shunell, un mukan gar pengro phuro djipen.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Jeremia 6:28

Jon djan lauter penge krik mandar, un rakrenn djungeles jek pral o wawareste. Djia dran saster hi len. Jon lauter djiwenn an o chochepen.

Jeremia 6:8

Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Zefanja 3:2

Te dell jek kol menshen kote trad, shunenn le gar, un mukenn penge tchi te penell. Ap o baro Debleste rikran le pen gar, pengro Deblestar kamenn le tchi te djinell.

Zefanja 3:7

Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.