Jeremia 7:25 - O Debleskro Drom 2021 (Sinte)

²⁵ Fun ko diwes, har me tumare phuren dran Egiptia anom bis kai diwes, bitchrom pale te pale mire budepangren pash tumende, kol rakepangren, kai mire laba dureder penan.

O Debleskro Lab 2024 (Sinte-Manouche)

²⁵ Foun ko dives, har me t'mare phouren dran Egiptia anom bis kay dives, bičrom pale te pale mire boudepangren pash t'mende, kol rakepangren, kay mire laba doureder penan.

Jeremia 7:25 ပူးပေါင်းရင်းမြစ်များ

2. Familjakro liil 24:19

Un o baro Dewel bitchras peskre rakepangren pash lende, te wenn le pale pale pash o baro Debleste. Ninna te dan kolla len trad, shunan i menshe gar ap lende.

2. Familjakro liil 36:15

Un o baro Dewel, lengro phurengro Dewel, bitchras bud bitchepangren pash lende, te dell lo len trad. Les khaitan peskre menshen un peskro kheer.

Esra 9:7

Ko tsirestar, kai mare phure djiwan, bis ap kau diwes anam mer bud doosh ap mende, un dran maro djunglepen dal men, mare rajen un rashajen an i wawar rajengre wasta, kai an i themma trul mende djiwenn. O chareha maran le men, an o stilepen witsran le men, un jon tchoran men win, un anan ladj ap mende, jaake har ninna kau diwes hi.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Jesaja 5:4

Hoi hunte kroms budeder an miro drakengro them, hoi gar krom? Hoske anas lo diwje shutle drake win? Un me patsom, te hi le latcho un gudlo.

Jeremia 11:7

Me dom tumare phuren trad ap ko diwes, har anom len dran Egiptia win, bis ap kau diwes, un penom lenge pale te pale: Shunenn ap miro rakepen!

Jeremia 25:3

O baro Dewel rakras mantsa biish-te-triin bersha, fun ko deesh-te-triinto bersh, kai o Josia, koleskro dad o Amon his, o baro rai his pral o them Juda, bis kau diwes. Un me penom tumenge leskre laba pale te pale. Un tumer kaman len gar te shunell.

Jeremia 25:4

Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Jeremia 29:19

Kowa well pral lende doleske, kai shunan le gar ap kol laba, hoi mire rakepangre lenge pale te pale penan. Jon kaman gar te shunell, penell o baro Dewel.

Jeremia 35:14

Kol laba, hoi penas o Jonadab, koleskro dad o Rechab his, peskre menshenge, kai pal leste wenna, rikrenn jon dren bis ap kau diwes, un pijenn kek mool, jaake har lengro dad lenge penas. Me mukom tumenge pale te pale mire laba te penell, un tumer shunenn gar, hoi me penau.

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 44:4

Un me bitchrom lenge pale te pale mire rakepangre, kai mange budran, un mukom lenge te penell: “Ma krenn sau djungelo koowa, kai man sorjah choirenna!”

Jeremia 7:13

Tumer kran ninna lauter sawo koowa, penell o baro Dewel. Un me rakrom pale te pale tumentsa, un tumer kaman gar te shunell. Un me dom tumen gole, un tumer penan koi pre tchi.

Ezekiel 2:3

Tu, mensho, me bitchrau tut pash i Israelitarja. Kolla hadan pen un peran mandar tele. Ninna lengre phure hadan pen pale te pale pral mande. Un kolla, kai kau diwes djiwenn, hi gar wawartchandes.

Hosea 11:7

Mire menshe atchenna krik mandar, un kamenn gar pash mande te well. Ninna te wenn le pash mande, o pralstuneste, hadenn le man gar.

Hosea 12:10

Me, o baro Dewel, hom tiro Dewel fun ko tsiro, kai anom tut dran o them Egiptia. Me mukau tut pale an plachtene khera te djiwell, har an ko tsiro, har homs pash tute an o mulo tato them.

Amos 2:11

Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.

Maleachi 3:7

Tumer mukan miro drom har tumare phure ninna kran, un rikran tumen gar ap mire laba. Mukenn kanna tumaro tchilatcho drom! Un awenn pash mande pale! Un me kamau pash tumende te well. Ko penell o baro Dewel, ko rai pral o bolepen un i phub. Tumer penenn: ‘Hoi kram mer, hoi tchilatcho hi?’

Louka 11:49

O Dewel djinas kowa. Doleske penas lo glan i rah tsiro: Me bitchrau mire rakepangren un mire bitchepangren pash lende. Un mashkral lende hi sawe mursha, kai wenn lendar maredo, un wawar wenn palla lino.

5. Mose 9:7

Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.