Jeremia 7:24 - O Debleskro Drom 2021 (Sinte)

²⁴ Jon shunan gar ap mande, un lengre kanda pandan le, un djiwan pal lengro shero, un kran hoi lengro tchilatcho dji penella, un sikran mande pengro dumo, un gar pengro mui.

O Debleskro Lab 2024 (Sinte-Manouche)

²⁴ Yon shounan gar ap mande, oun lengre kanda pandan le, oun djivan pal lengro shero, oun kran hoy lengro čilačo dji penella, oun sikran mande pengro doumo, oun gar pengro mouy.

Jeremia 7:24 ပူးပေါင်းရင်းမြစ်များ

Nehemia 9:29

Un tu dal len trad, te aness len pale pale ap tiro drom. Jon his pre-phurdo un shunan gar ap tire laba, un djiwan gar pal tire tchatchepaskre laba, kolendar tu penal: Koon len rikrell, djiwell. Un jon sikran tuke pengro dumo, un pandan pengre djia, un shunan gar ap tute.

Debleskri gili 81:13

Jaake mukom len kowa te krell, hoi jon kaman, un mukom len pal pengro shero te djal.

Jeremia 13:10

Kalla tchilatche menshe, kai kamenn mire laba gar shunell, djan pal pengro shero, un djan wawar deblenge pal, anenn lenge viechen, un mangenn len an. Jon hunte wenn har ko pereskro pandepen, hoi buder tchi molella.

Jeremia 13:11

Jaake har i mursh ko pandepen trul peste pandella, jaake pandom me kol tsele menshen dran Israel un kol tsele menshen dran Juda trul mande, te wenn jon mire menshe. Kamom, te wap dran lende sharedo un miro lab bares un prindjedo well; jon kaman gar ap mande shunell, penell o baro Dewel.

Jeremia 15:6

Tu djal mandar krik, penell o baro Dewel, un kamal mandar tchi buder djinell. Doleske hadom me miro wast ap tute, te marap tut. Me hom khino, te krap miro dji tuke pre.

Jeremia 16:12

Tumer kran budeder tchilatchepen har tumare phure. Hakeno tumendar djiwell pal peskro shero un peskro tchilatcho dji. Ap mande shunell kek.

Jeremia 17:23

Jon shunan gar ap mande, un dan gar jak ap mire laba, djan pal pengro shero, un rikrenn pen gar ap kowa, hoi lenge penom.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Jeremia 18:10

Te krenn jon palle, hoi djungeles glan mande hi, un shunenn gar, hoi lenge penau, krau me lenge gar ko latchepen, hoi kamom lenge te krell.

Jeremia 18:12

Jon penenn: “Na-a, hoske? Mer kamah jaake te djiwell, har mer kamah.” Un hakeno djal pal peskro shero un krell, hoi leskro tchilatcho dji leske penella.

Jeremia 2:27

kolla, kai ap i debla penenna: “Tu hal miro dad!” un ap i barrengre debla: “Tu anal man ap i phub.” Mange sikran le pengro dumo un gar pengro mui. Te well kanna i bibacht pral lende, denn le gole: “Rai! Ab ap mari rig!”

Jeremia 22:21

Jerusalem, har djas tuke gomme mishto, dom me tut trad. Tu penal, me dau gar jak ap kowa, hoi lo rakrell. Jaake kral hako tsiro. Ninna har tu gomme terno hals, shunal gar ap mande.

Jeremia 23:17

Kolenge, kai san pral o baro Debleskro lab, penenn le: ‘Tumenge djal mishto an ko tsiro, hoi wella!’ Un kolenge, kai djan pal pengro shero, penenn le: ‘Kek bibacht well pral tumende.’

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Jeremia 32:23

Un har jon an o them dren wan, un les penge lan, shunan jon gar ap tute, djan witar gar ap tiro drom. Un halauter, hoi tu lenge soreles penal, te krenn le les, kowa kran jon gar. Doleske mukal ninna kau tseli bibacht pral lende te well:

Jeremia 32:33

kolla lauter sikran mange pengro dumo un gar lengro mui. Ninna te dom me lenge an hako tsiro sikepangre, kai sikran len miro drom, kaman jon gar te shunell, un mukan gar pengro phuro djipen.

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Jeremia 7:26

Tumer shunan gar ap mande, un dan kek garda ap mire laba. Tumer djan pal tumaro shero, un kran budeder tchilatchepen har tumare phure.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Jeremia 9:14

Doleske penell o baro Dewel, ko rai pral o bolepen un i phub, kai o Israeleskro Dewel hi: Me dau kal menshen shutlo senlepen chapaske, un pani, kolestar merenn le.

Ezekiel 20:13

Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.

Ezekiel 20:16

Kowa wals i phagi doleske, kai dan le tchi ap mire tchatchepaskre laba, un kran gar, hoi lendar kamom, un rikran gar o Debleskro diwes dren. Na-a, pengre chochene deblen nashan le palla!

Ezekiel 20:21

Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.

Ezekiel 20:8

Jon mukan pen tchi mandar te penell, un kaman gar ap mande te shunell. Kek witsras kol djungele figuren krik, hoi lo an-mangas. Kol egiptikre deblen kaman le gar te mukell. Kote kamom miri choli pral lende win te tchorell. Gomme kote an o them Egiptia kamom miri tseli choli ap lende win te mukell.

Daniel 9:6

Un mer shunam witar gar ap tire budepangre, kol rakepangre, kai rakran tuke ap mare rajende, pralstunende, phurende un ap mare tsele menshende.

Hosea 10:6

Awa, ko terno gurum well an o them Assur anlo, un kote well lo o baro rajeste, o Jareb, dino. Hawi ladj o Efrajimeske! Hawi ladj well ap i Israelitarja, kai patsan, te hi le jaake gosewo!

Hosea 4:16

I menshe an Israel hi har i diwji grumni, un mukenn pen tchi te penell. Har nai krals o baro Dewel lentsa, har te wans le tikne bakre, un nai anals len win ap i buchlo kotar phub, te hatsenn le kote senlepen?

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

Zakarie 7:11

Mire menshe kaman gar jak te dell ap mire laba, un rissran mange pengro dumo, un pandan pengre kanda, te shunenn le gar, hoi me lenge penom.

5. Mose 29:19

Ap saweste dikell o baro Dewel gar latches, na-a, pral koleste chatchell leskro dji i choljatar. Un ko tselo praassepen un i tseli bibacht, hoi an kau liil tchinlo hi, well ap leste tchiddo. Un o baro Dewel krell, te well job un leskri familja bistedo ap i tseli phub.