Jeremia 7:20 - O Debleskro Drom 2021 (Sinte)

²⁰ Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

O Debleskro Lab 2024 (Sinte-Manouche)

²⁰ Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Jeremia 7:20 ပူးပေါင်းရင်းမြစ်များ

2. Rajengro liil 22:17

I menshe an Jerusalem mukan man un anan wawar deblenge viechen, te choirenn le man halautereha, hoi le pengre wastentsa kran; doleske well miri choli har i jag ap kau foro, un kek nai krell les win.”

Jesaja 10:17

Un ko Dewel, kai o Israeleskri momeli hi, well i jag, awa, lengro Dewel well i jagakri tchip, un chatchrell i subjengre burra un o subjengro senlepen pre ap jek diwes.

Jesaja 42:25

Kote mukas lo peskri bari choli pral mende te well, un mukas men an i sorelo kurepen te well. Leskri choli his trul mende trujel har i jag, un mer haiwam kowa gar. Ninna har chatchras men leskri choli, lam kowa gar an mare djia.

Jesaja 66:24

Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

Jeremia 11:16

His i tsiro, kai penas o baro Dewel tumendar: Jon hi har i shukar senelo djeteskro ruk, kai bud djeteskre drake baro wenna. Kanna tchiwas job ap leste i jag, hoi bari goljah leskre patria chatchrell un leskre kashta phagell.

Jeremia 12:4

I rah tsiro hi kau them kek brishineha, un ko tselo senlepen meras tele. I vieche un i tchirkle meran. Kowa lauter was dran o tchilatchepen kol menshendar, kai kate djiwenn. Jon penenna: O Dewel dikell gar, hoi krah.

Jeremia 14:16

Jaake djal ninna kol menshenge, kai shunenn ap lende. Jon hi mulo tchiddo ap i dromma an Jerusalem. I bok un o charo maras len. Un kek paskrell len, lengre romjen un lengre tchawen. Me anau tchilatchepen pral lende, jaake har jon tchilatchepen kran.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

Jeremia 18:23

Tu baro Dewel, djineh, hoi len mantsa glan hi, kai kamenn le man mulo te dell. Ma biste lenge lengro tchilatchepen! Ma le lengri doosh lendar krik! Muk len glan tute khetne te phagell, te well tiri choli pral lende!

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 42:18

Doleske penell o baro Dewel, ko rai pral o bolepen un i phub, kai o Israeleskro Dewel hi: Te djan tumer an o them Egiptia, well miri soreli choli jaake pral tumende har was li pral i menshende an o foro Jerusalem. An o them Egiptia han har praassede menshe. Pral kolende denn le i wasta khetne pral o shero. Jon san pral tumende. Un te kamenn le jekes te praassell, penenn le: Mu djal tuke har i Israelenge an o them Egiptia! Un kau them, kai kanna han, dikenn tumer buder gar.

Jeremia 44:6

Doleske was miri choli jaake baro, un chatchas har i jag an i forja an o them Juda un ap i dromma an o foro Jerusalem, te atchas lendar tchi har barra pral. Un kek nai djiwell kote, jaake har ap kau diwes hi.

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

Jeremia 6:12

Lengre khera lenn kol wawar, ninna lengre themma un lengre djuwjen. Me hadau miro wast, te marap kolen, kai djiwenn an kau them, penell o baro Dewel.

Jeremia 8:13

Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ezekiel 22:22

Jaake har o rup an o bob gar atchell hoi lo his, jaake djal tumenge, te well o foro Jerusalem har i bob tumenge. Un tumer dikenn un haiwenn palle, te hom me o baro Dewel, kai tchoras peskri choli pral tumende win.

Ezekiel 7:12

Ko tsiro was, ko diwes hi koi! O ginepaskro nai sal gar buder. Un kowa, kai hunte bikrell tchomone, hunte rowell gar koi pral. O baro Debleskri choli well pral kal tsele menshende.

Ezekiel 7:14

I menshe shunan, har an i phurdepaskri phurdedo was, te kharenn le len an o kurepen, un i kurepangre lan pengre karmangre. Un palle well miri choli jaake sik pral lende halauterende, te djal kek koi.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Zefanja 1:2

Me mukau halauter, hoi ap i phub djido hi, te merell:

Zefanja 1:3

i menshen, i viechen, i tchirklen un i matche. Me lau i tchilatchen krik i phubjatar, un khetne lentsa lauter, hoi kras, te peran le mandar tele. Awa, kek mensho atchell djido ap kai phub. Kowa penell o baro Dewel.

Zakarie 7:12

Lengre djia kran le har bar, te shunenn le gar ap mire laba, hoi sikrenn har te djan le miro drom. Kal laba penan lenge mire rakepangre, kai djiwan glan bud bersha. Doleske was miri bari choli ap lende.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

Debleskro tsiro 14:10

Jon hunte pijenn o Debleskri mool. Kai mool hi o Debleskri choli. Kaja hi jaake soreli har i mool, kai kek pani dren hi. Kolla, kai mangenn o vieches an, hunte djan an i bari jag. Un koi jag un i jagakri khand krenn lenge bare duka. Un jon dikenn o Debleskre bolepangren un o terno bakres.