Jeremia 7:19 - O Debleskro Drom 2021 (Sinte)

¹⁹ Mange krenn jon koweha kek duka, penell o baro Dewel. Ap pende kokres anenn le ladj.

O Debleskro Lab 2024 (Sinte-Manouche)

¹⁹ Mange krenn yon koveha kek douka, penell o baro Devel. Ap pende kokres anenn le ladj.

Jeremia 7:19 ပူးပေါင်းရင်းမြစ်များ

Esra 9:7

Ko tsirestar, kai mare phure djiwan, bis ap kau diwes anam mer bud doosh ap mende, un dran maro djunglepen dal men, mare rajen un rashajen an i wawar rajengre wasta, kai an i themma trul mende djiwenn. O chareha maran le men, an o stilepen witsran le men, un jon tchoran men win, un anan ladj ap mende, jaake har ninna kau diwes hi.

Hiob 35:6

Koi doosh, hoi tu ap tute leh, kolah nai kreh tu tchi ap o Debleste. Te kral bud tchilatcho koowa, nai kreh tu leske tchi koleha.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Jesaja 45:16

Jon halauter, kai pen chochene deblen kran, hunte wenn wi-ladjedo koi tardo, un hunte wenn lolo i ladjatar.

Jeremia 15:9

Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

Jeremia 2:17

Kowa lauter hi tiri doosh! Bud kope kamas o baro Dewel, tiro rai, tut ap o tchatcho drom te anell. Un tu mukal les!

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Jeremia 22:22

Tire pralstune wenn krik anlo, har te wans le krik phurdedo i sorelo duchestar. Un tire mala hunte djan pandles an i wawar them. Jaake well ladj pral tute, un tu weh sapaske i wawarenge. Kowa well pral tute tiro tselo tchilatchepaske.

Jeremia 25:7

Tumer kaman gar ap mande te shunell, penell o baro Dewel. Tumare deblentsa, hoi kran tumenge, choiran man jaake bud, te dap tumen tumari phagi.

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 44:3

Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Jeremia 9:19

Shunenn, tumer djuwja, o baro Debleskro rakepen! Denn garda ap leskre laba! Sikrenn tumare tchende, har te giwenn le koi ropaskri gili; jek te anell i wawarat kai gili pashel:

Ezekiel 16:26

Tu lubras trujel i Egiptarentsa, kolen bari chantch hi, un kolengro them pash tiro them tchiddo hi. Un kral bud lubjengro koowa, te tapras man i choli.

1. Korintarja 10:22

Ma choirenn o Debles! Mer ham gar sorleder har job.

5. Mose 32:16

O Debleskre menshe nashan wawar deblen palla, un dukan pengro Debles. Ko djungelo koowa, hoi le kran, kras les chojedo.