Jeremia 6:7 - O Debleskro Drom 2021 (Sinte)

⁷ Jaake har dran i brunna o pani wella, jaake well dran o foro o tchilatchepen. I gole kolendar, kai wenn sorjah tele rikedo un dukedo, shunau. Menshe lenn glan mande dawa un wenn maredo.

O Debleskro Lab 2024 (Sinte-Manouche)

⁷ Yaake har dran i brounna o pani vella, yaake vell dran o foro o čilačepen. I gole kolendar, kay venn zoryah tele rikedo oun doukedo, shounau. Menshe lenn glan mande dava oun venn maredo.

Jeremia 6:7 ပူးပေါင်းရင်းမြစ်များ

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Jesaja 1:6

Fun o shero bis pash i pire hi kek kotar ap tumende, hoi sasto wals. Tumaro mass hi pherdo dukepen, phuro un newo dukepen, kai dino wan. Tumaro tchinepen hi gar wi-thodo, witar gar dren pandlo. Kek djet was pre tchiddo.

Jesaja 57:20

I tchilatche hi har i diwjo baro pani, hoi rikrell pes nai gar pale, un well pale te pale un hadell khandli phub un tchik pre.

Jesaja 59:6

Kowa, hoi tumer win krenn, hi tchitcheske, hi gar budeder moldo har i ripen kerdo dran i netsa, hoi i spinna kras, un koleha nai tchakreh tchi tele. Kowa hoi tumer krenn, hi chochepen. Tumare wastentsa dukenn un marenn tumer.

Jeremia 20:8

Hako kopo, te rakrau, hoi tu mange penal, hunte dap gole: Marepen un dukepen! Doleske san le pral mande hako diwes un taprenn pen ap o shero.

Jeremia 30:12

O baro Dewel penell: Tiro tchinepen hi djungelo, tiro dukepen nai krell kek mensho sasto.

Jeremia 30:13

Tiro koowa lell kek an peskro wast. Kek dramaskro hi koi, kai pandell tiro dukepen, un kek nai krell tut sasto.

Jeremia 30:15

Hoske deh tu gole pral tiro phagepen? Kowa, hoi tuke duka krell, nai krell kek sasto. Tiri doosh hi baro, un tiro tchilatcho koowa hi bud. Doleske dom tut kai phagi.

Jeremia 32:31

Bari choli chatchas an mande pral kau foro jaake rah har lo tardo hi. Doleske hunte tchiwap les glan mande krik, te dikap les buder gar.

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Ezekiel 21:29

Doleske penell o baro Dewel, maro rai: Tumari doosh was diklo. Tumare tchilatche dromma wan pre-tchakedo. An halauter, hoi krenna, well tumaro tchilatchepen diklo. Tumer kran, te well tumari doosh gar bistedo. Doleske wenn tapedo i sorelo wasteha.

Ezekiel 24:7

Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, un gar ap i phub, te nai tchakrals jek les tchikeha tele.

Ezekiel 45:9

Kawa penell o baro Dewel, maro rai: Kanna hi doha! Tumer raja pral o Israel, herenn pre, te rikrenn i menshen i sorjah tele! Dukrenn len buder gar! Krenn, hoi mishto un tchatcho hi! Mukenn tele, te tradenn mire menshen dran pengre khera win! Kawa penell o baro Dewel, maro rai.

Ezekiel 7:11

Kolla, kai djan tchilatches i wawarentsa trujel, wan tchilatche raja. Tchi atchell lendar pral. Lengro brawlepen atchell gar, witar gar lengro railepen un an-dikepen.

Ezekiel 7:23

Kre i shello! O tselo them hi pherdo kolendar, kai lan rateskri doosh ap pende. Un o foro hi pherdo kolentsa, kai rikran i wawaren i sorjah tele.

Zefanja 3:1

Djungeles djal ko foreske, kai hadas pes pral o baro Debleste, ko foreske, an koleste tchilatchepen un marepen hi!