Jeremia 6:30 - O Debleskro Drom 2021 (Sinte)

³⁰ Doleske wenn le kharedo: Ko rup, hoi molell tchi. O baro Dewel kamell buder tchi lendar te djinell.

O Debleskro Lab 2024 (Sinte-Manouche)

³⁰ Doleske venn le kharedo: Ko roup, hoy molell či. O baro Devel kamell bouder či lendar te djinell.

Jeremia 6:30 ပူးပေါင်းရင်းမြစ်များ

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

Debleskri gili 119:119

I tchilatchen khosseh tu krik kai phubjatar har tchik. Doleske kamau me tire laba, hoi menge sikrenn, har te djiwas.

Debleskri gili 53:5

“Kolla, kai o tchilatcho koowa krenna, haiwenn tchi”, penell o Dewel, – “kolla, kai mire menshen chana har i kotar maro. Man denn le gar an-gole.”

Gosewe laba 25:4

Le i tchik dran o rup win, palle nai krell kowa, kai budrell o rupeha, i shukar tcharo kolestar.

Jesaja 1:22

Tu Jerusalem, hals har djudjo rup, kanna wal har tchik, hoi rupenes win dikell. Tu hals har latchi mool, kanna hal har mool, kai pani dren hi.

Jesaja 1:25

Jerusalem, miro wast hadau ap tute, te dap tut, te chatchap i tchik tutar win, har kowa o rupeha kerdo well, jaake te atchell o latcho rup pale.

Jeremia 14:19

Dal tu kol menshen an Juda pre? Kameh tu o forestar Zion tchi buder djinell? Hoske dal tu men jaake, kai nai krell men kek buder sasto? Mer patsam, kai well lauter mishto. Tchi was mishto! Mer kamam, te well i tsiro, kai kowa, hoi an mende nasselo hi, sasto wals. Kowa was gar. I daar was.

Jeremia 23:33

O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

Jeremia 7:1

O baro Dewel rakras ap o Jeremia un penas:

Jeremia 7:29

Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Ropaskre gilja 5:22

Witsral men tutar krik hako tsireske? Nai djal tiri choli pral mende gar krik?

Hosea 9:17

I menshe Efrajim shunan gar ap miro Debleste. Doleske witsrell lo len pestar krik. Jon wenn naashepangre an i wawar themma.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Mateo 5:13

Tumer han o loon ap kai phub. Te nashras o loon peskri soor, hi lo buder gar mishto. Un tu nai kreh buder tchi, te well lo pale londo. Ko loon molell tchi buder. Tu nai witsreh les tutar. Un i menshe stakrenn les khetne.

Remarja 11:1

Me putchau tumendar kanna: Tchiwas o Dewel kol menshen infam, kai job peske win rodas? Na-a! Kowa hi gar jaake. Me hom ninna i Israelitari, i tchawo o Abrahamestar, un mire menshe hi Benjaminarja.