Jeremia 6:26 - O Debleskro Drom 2021 (Sinte)

²⁶ Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

O Debleskro Lab 2024 (Sinte-Manouche)

²⁶ T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Jeremia 6:26 ပူးပေါင်းရင်းမြစ်များ

1. Mose 21:16

Un beshas pes i tselo kotar lestar. Joi penas peske: “Me nashte dikau kowa gar, har miro tchawo merella.” Har joi kote beshdo his, rowas joi soreles.

Hiob 15:21

An leske kanda shunell lo i gole, hoi krell leske daar. An ko tsiro, kai leske latches djal, well o marepaskro pral leste.

Hiob 2:8

Un o Hiob las i kotar i paash-dino khorestar, te chandjrell lo pes koleha. Un job his beshdo mashkral i jagakri tchik.

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jesaja 22:4

Doleske penau tumenge: Ma dikenn ap mande! Mukenn man te rowell. Miro dji hi jaake pharo. Ma rakrenn latches ap mande, kamau gar te bistrap koi bibacht, hoi ap mire menshende was.

Jesaja 3:24

Un palle well, te hi djungeli khand, kai shukar sungepen his, un kote, kai i shukar pereskro pandepen his, hi kanna i dori. Un kolat, kai shukar bal his, kolat hi palle kek bal ap o shero, un kolat, kai kutch koola his, koja riwell palle i gono trul peste. Un kote, kai shukapen his, hi kanna tchi har i ladj.

Jesaja 30:13

Kai doosh hi har i phagepen an i kheer. Ko kheer hi buder gar soreles tardo, un ap jek kopo perell lo khetne. Un kek patsas te well kowa jaake.

Jesaja 32:11

Trissenn, tumer djuwja, kai tumenge kek shero krenn, trissenn i darjatar, tumer, kai dikenn kokres ap tumende! Riwenn tumare ripja win, un tchiwenn i gono trul tumende!

Jeremia 12:12

Pral ko nango pralstuno them wenn kol kurepangre, kai denn lauter khetne. O baro Dewel anas len kai, te kurenn le pen i menshentsa an o tselo them, jek rigjatar bis ap i wawar. Un kek nai nashell peske lendar.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 18:22

Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.

Jeremia 30:5

Job penas: Mer shunah i gole i trashatar; kokres i daar hi koi un kek latchepen.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

Jeremia 4:8

Doleske riwenn tumen an i gono! Rowenn un denn gole! O baro Dewel las peskri bari choli gar mendar krik.

Jeremia 6:14

un krenn jaake, har te wans kol duka mire menshendar gar jaake pharo. Jon penenna: ‘Lauter hi mishto’, lauter hi mishto, ninna te hi tchi mishto.

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Jeremia 8:21

Mire menshe phagan khetne. Doleske rowell miro dji. Mange hi, har te merap, un djinau gar, hoi te krap.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Jeremia 9:10

O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Ropaskre gilja 1:16

Doleske rowau, un mire jaka hi pherde swa. Man hi kek, kai penell mange latche laba, te lell miro dji pale newi soor. Mire tchawe hi kokres koi tardo, Kolla, kai dan men khetne, wan i sorleder.

Ropaskre gilja 1:2

An i rati roweh, un tire swa nashenn tuke i tchamja tele. Kek tire tsele pirnendar well, un penell tuke i kamlo lab. Tire tsele mala mukan tut, un wan tchilatches ap tute.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 3:16

Job stakras man an i tchik, te dandrap ap barra.

Ropaskre gilja 3:48

I swa nashenn dran mire jaka tele, te dikau har djungeles mire menshenge djal.

Ropaskre gilja 4:10

I bibacht, hoi was ap mire menshende, was jaake baro, te keran i djuwja pengre tchawen, – kol djuwja, kolengro dji pherdo kamlepen his – te nai was len tchomone te chal.

Ropaskre gilja 4:3

Ninna diwje djukle denn pengre tchawen i tchutchi. I daja mank mire menshende sikrenn kek dji pengre tchawenge. Har kol bare diwje kachja an o mulo them hi le, hoi mukenn pengre jare.

Ropaskre gilja 4:6

Koi doosh, hoi mire menshe ap pende anan, hi bareder har koi doosh, hoi anan i menshe an o foro Sodom pral pende. Kolengro foro djas sik tele, un kek wast was lenge ap i rig.

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

Jona 3:6

Har o baro rai o forestar Ninive shunas, hoi o Jona rakras, stas lo pre peskro beshepastar, riwas peskri kutch plaashka win, un tchiwas i gono ap peste, un beshas pes an i jagakri tchik.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Louka 7:12

Un jon wan pash o baro wudar kau forestar. Un i menshe hidjran i mules dran o foro win. Kowa his o tchawo i djuwjatar, kolakro rom meras. Un lat his ninna kek wawar tchawe. Un bud menshe djan lah.

Jakobo 4:9

Denn gole pral tumaro tchilatcho djipen! Rowenn koi pral! Ma san gar buder! Awenn bibachtelo un buder gar bachtelo!

Jakobo 5:1

Kanna penau ap tumende, kai brawelo han: Rowenn un denn gole pral koi bibacht, hoi pral tumende wella!