Jeremia 6:21 - O Debleskro Drom 2021 (Sinte)

²¹ Doleske penell o baro Dewel: Me kamau kal menshenge bud barra an o drom te tchiwell, te perenn i mursha un lengre tchawe koi pral. Un ninna kolla, kai djiwenn pash lende, un lengre mala wenn maredo.

O Debleskro Lab 2024 (Sinte-Manouche)

²¹ Doleske penell o baro Devel: Me kamau kal menshenge boud barra an o drom te čivell, te perenn i morsha oun lengre čave koy pral. Oun ninna kolla, kay djivenn pash lende, oun lengre mala venn maredo.

Jeremia 6:21 ပူးပေါင်းရင်းမြစ်များ

2. Familjakro liil 36:17

Un o baro Dewel mukas o baro rajes Nebukadnezar dran o them Babilonia pral lende te well. Leskre lurde maran i terne murshen o chareha, ninna an o Debleskro kheer. O baro rajes dran Babilonia khaitas kek, gar i terne mursha, witar gar i terne tcha, gar i phure, ninna te his le nasselo. Halauteren das o baro Dewel an leskro wast.

Jesaja 8:14

Pash leste nai khatrenn tumen. Kol wawarenge an Israel un Juda hi lo har i bar, pral koleste jon perenn, awa, har i baro sorelo bar, pral koleste jon pen choirenn. Un i menshenge an Jerusalem hi lo har khatede pandle dorja, an kolende jon perenn un pen taprenn.

Jesaja 8:15

Un bud lendar dukrenn pen, perenn un phagenn pen i herja, taprenn pen an i dori, un wenn pandlo.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 18:23

Tu baro Dewel, djineh, hoi len mantsa glan hi, kai kamenn le man mulo te dell. Ma biste lenge lengro tchilatchepen! Ma le lengri doosh lendar krik! Muk len glan tute khetne te phagell, te well tiri choli pral lende!

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Ezekiel 3:20

Te djal i latcho mensho peskro latcho dromestar tele, un krell o tchilatchepen, un tu deh les gar trad, krau, te perell lo. Peskri doshake hunte merell lo. Un ko latchepen, hoi kras lo glan kowa, well bistedo. Ap tute penau me palle: Tut hi doosh ap leskro merepen.

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

Remarja 11:9

Un o baro rai David penas lendar: Jon chatchrenn viechen o Debleske un patsenn, te dikell o Dewel latches ap lende. Jaake hi kowa gar. O Dewel dikell gar latches ap lende. Na-a. Well o diwes, kai lenn le pengri phagi.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.