Jeremia 6:17 - O Debleskro Drom 2021 (Sinte)

¹⁷ Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

O Debleskro Lab 2024 (Sinte-Manouche)

¹⁷ Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Jeremia 6:17 ပူးပေါင်းရင်းမြစ်များ

Jesaja 21:11

Kate sikrell o Dewel, hoi pral o them Edom wella. Dran o them Seir denn le ap mande gole un putchenn: “Tu, kai jak deh, har dur hi an i rat? Kaana hi i rat trujel?”

Jesaja 56:10

Kol mursha, kai hunte jak denn ap mire menshende, hi korelo, un jon halauter haiwenn tchi, un hi har djukle, kai kek gole denn. Jon hi koi tchiddo un dikenn suni, un kamenn te sowell.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Jesaja 62:6

Jerusalem, me tchiwom murshen ap tire massurja, te denn le jak ap tute. O tselo diwes un i tseli rat denn le bares gole, un mukenn gar tele, te bistrell tut o baro Dewel gar.

Jeremia 18:12

Jon penenn: “Na-a, hoske? Mer kamah jaake te djiwell, har mer kamah.” Un hakeno djal pal peskro shero un krell, hoi leskro tchilatcho dji leske penella.

Jeremia 25:4

Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Jeremia 6:18

Doleske shunenn, tumer menshe an i tsele themma: Denn garda, hoi kal menshentsa krau!

Jeremia 7:28

Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Ezekiel 3:7

Kolla dran o kheer Israel kamenn gar ap mande te shunell. Doleske shunenn le witar gar ap tute. Jon lauter djan pal pengro shero. Un lengre djia hi har dran bar.

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

Habakuk 2:1

Kate hom tardo ap miro turmo, un dau garda, te dikap, hoi job mantsa rakrell, un hawe laba job mange pale penell, ap kowa, hoi me leske halauter glan rikrom.

Zakarie 1:4

Ma awenn har tumare phure! Glan bud bersha penan lenge mire rakepangre mire laba un penan: Kawa penell o baro Dewel, ko rai pral o bolepen un i phub: Mukenn tumare tchilatche dromma! Ma krenn buder gar tchilatcho koowa! Jon shunan gar ap mande un kran gar, hoi lenge penom.

Zakarie 7:11

Mire menshe kaman gar jak te dell ap mire laba, un rissran mange pengro dumo, un pandan pengre kanda, te shunenn le gar, hoi me lenge penom.

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.