Jeremia 6:15 - O Debleskro Drom 2021 (Sinte)

¹⁵ Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

O Debleskro Lab 2024 (Sinte-Manouche)

¹⁵ Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 6:15 ပူးပေါင်းရင်းမြစ်များ

1. Mose 19:34

Un o wawar diwes, koi penas i phureder tchai ap o terneder tchate: “Shun, me tchiwom man taissar rati pash miro dadeste. Kai rati dah les pale mool te pijell. Koi tchiweh tut tu pash leste, te well men tchawe maro dadestar, te meras gar win.”

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

Jeremia 14:15

Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

Jeremia 18:23

Tu baro Dewel, djineh, hoi len mantsa glan hi, kai kamenn le man mulo te dell. Ma biste lenge lengro tchilatchepen! Ma le lengri doosh lendar krik! Muk len glan tute khetne te phagell, te well tiri choli pral lende!

Jeremia 23:12

Doleske well ko drom, kai le djan har i sapeno drom an o tamlepen, kai wenn le tradedo un perenn. Me mukau bibacht pral lende te well an ko tsiro, kai dau len i phagi. Kowa penell o baro Dewel.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 44:10

Bis ap kau diwes khaitas tumen tumari doosh gar. Tumer hadenn man gar, un djiwenn gar pal mire laba un pal miro tchatchepen, hoi me tumenge un tumare phurenge dom.

Jeremia 5:29

Mukap me len kowa te krell un penap tchi koi pre, penell o baro Dewel. Dap me sawe menshen kek phagi?

Jeremia 5:9

Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

Ezekiel 13:14

Jaake phagau koi massuri tele, hoi tumer parnes makan. Me mukau lat trujel te witsrell, te wenn lakre telstune barra diklo. Te perell li khetne, perenn i barra ap tumende, un tumer merenn. Un tumer dikenn un haiwenn, te hom me o baro Dewel.

Ezekiel 2:4

Jon djan pal pengro shero, un lengro dji hi dran bar. Pash kolende bitchrau tut. Lenge peness: Kawa penell o baro Dewel, maro rai!

Ezekiel 24:7

Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, un gar ap i phub, te nai tchakrals jek les tchikeha tele.

Hosea 4:5

Doleske perenn tumer rashaja ap o diwes, un o Debleskro rakepaskro, kai pash tumende hi, perell ratsjake. Un o kheer Israel, tumari dai, krau paash.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Micha 3:6

Doleske well pral tumende kali rati. Tumer dikenn buder kek dikepen. Kek lab o Deblestar well tumen. O kham djal tele tumenge, un o diwes hi tumenge har i rati.

Micha 7:4

I feteder un latcheder lendar denn tchurje har subjengre burra. O diwes well sik, kai tumari phagi well, ko diwes, koles kolla glan-wi dikan, kai dan tumen trad. An ko tsiro well i daar pral tumende, te djinenn buder gar, hoi te krenn.

Zefanja 2:1

Tumer menshe, kai kamenn pen gar te ladjell! Dikenn dren, hoi kran! Un awenn pale pash o baro Debleste,

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Zakarie 13:4

An ko tsiro ladjenn pen kol chochene rakepangre koleske, hoi dikan le an i suni. Un jon riwenn buder gar i plaashka dran busjengre balla ap pende, te denn le i menshen pal i kanda.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Filiparja 3:19

Jon djan ap i drom, kai djan le nashedo. Lengro per hi lengro Dewel. Jon sharenn ko djungelo koowa, hoi kran le, un hunte ladjans pen pral kowa. Kowa, hoi an lengro shero trujel djala, hi phubjakro koowa.