Jeremia 6:14 - O Debleskro Drom 2021 (Sinte)

¹⁴ un krenn jaake, har te wans kol duka mire menshendar gar jaake pharo. Jon penenna: ‘Lauter hi mishto’, lauter hi mishto, ninna te hi tchi mishto.

O Debleskro Lab 2024 (Sinte-Manouche)

¹⁴ oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 6:14 ပူးပေါင်းရင်းမြစ်များ

2. Samuel 17:3

un kol tsele lurden pale pash tute te anell, jaake har i terni djuwel pash peskro romeste pale djala. Tu rodeh jek murshes kokres. Ma an tchingepen pral kol tsele wawar murshende!”

Jesaja 1:6

Fun o shero bis pash i pire hi kek kotar ap tumende, hoi sasto wals. Tumaro mass hi pherdo dukepen, phuro un newo dukepen, kai dino wan. Tumaro tchinepen hi gar wi-thodo, witar gar dren pandlo. Kek djet was pre tchiddo.

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jeremia 14:13

Koi penom me: Baro Dewel, miro rai, tire rakepangre penan lenge: ‘Kek kurepen un kek bok well pash tumende. O baro Dewel krell, te well kek kurepen pash tumende an kek tsiro.’

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 23:17

Kolenge, kai san pral o baro Debleskro lab, penenn le: ‘Tumenge djal mishto an ko tsiro, hoi wella!’ Un kolenge, kai djan pal pengro shero, penenn le: ‘Kek bibacht well pral tumende.’

Jeremia 28:3

Glan dui bersha trujel hi, anau ko tselo kutch koowa pale pale, hoi an o baro Debleskro kheer his, un hoi o baro rai dran Babilonia, o Nebukadnezar, kotar krik las, un an o them Babilonia anas.

Jeremia 4:10

Koi penom me: Baro Dewel, miro rai, tu chochral kol menshen an Jerusalem an, har tu penal, kai kek kurepen mashkral lende well. O charo hi koi un kamell len mulo te dell.

Jeremia 5:12

Jon penan chochepen pral o baro Debleste, un penan: ‘Kowa krell job gar! Jaake djungelo djal menge gar! Kurepen un bok well gar pash mende.

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Ezekiel 13:10

Jon anenn mire menshen o tchatcho dromestar tele, un penenn: “Lauter hi mishto.” Un tchatchepah, tchi hi mishto. Mire menshe kran pen i massuri dran barra, hoi rikrenn gar. Un i rakepangre wan, un makan lat parnes.

Ezekiel 13:16

Kolla hi i rakepangre an o them Israel, kai dan glan, te wals len i lab o Deblestar un penan i menshenge an Jerusalem glan-wi “lauter hi mishto”, ninna te hi tchi mishto. Kowa penau me, o baro Dewel, tumaro rai.

Ezekiel 13:22

Tumare chochene labentsa dukran i djia kolendar, kai an o tchatchepen djiwenn, un kolenge kamom kek daar te krell. Un tumer kran i wasta kolendar sorelo, kai tchilatcho koowa krenn. Jaake kran tumer, te djan le gar tele lengro tchilatcho dromestar, te atchenn le djido.

Ezekiel 14:9

Te mukell pes i Debleskro rakepaskro jaake dur te anell, te dell lo les i lab mandar dureder, palle krau me, o baro Dewel, te dell lo i chocheno lab dureder. Un me hadau miro wast pral leste, un krau les pale-tchiddo, te djiwell lo buder gar mank mire menshende Israel.

Micha 2:11

Te woms me i mursh, kai nashell o ducho palla, un rakroms o chochepen, un me penoms: “Pijenn bud mool un wawar pipen!” Palle penans tumer mandar: “Hawo latcho rakepaskro hi kau mursh!”

Micha 3:5

Kawa penell o baro Dewel ap i rakepangre, kai penenn, te well len i lab o baro Deblestar, un kowa hi gar jaake. Jon chochenn i menshen un penenn kolenge, kai denn len chapaske: Halauter well mishto tumentsa! Kolenge, kai denn len tchi te chal, penenn le: I tchilatcho tsiro well pral tumende.

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.