Jeremia 6:12 - O Debleskro Drom 2021 (Sinte)

¹² Lengre khera lenn kol wawar, ninna lengre themma un lengre djuwjen. Me hadau miro wast, te marap kolen, kai djiwenn an kau them, penell o baro Dewel.

O Debleskro Lab 2024 (Sinte-Manouche)

¹² Lengre khera lenn kol vavar, ninna lengre themma oun lengre djouvyen. Me hadau miro vast, te marap kolen, kay djivenn an kava them, penell o baro Devel.

Jeremia 6:12 ပူးပေါင်းရင်းမြစ်များ

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 9:12

Un i menshe dran Israel wan gar pale pash koleste, kai len kol dawa dell, un rodan gar o baro Debles, ko rajes pral o bolepen un i phub.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 15:6

Tu djal mandar krik, penell o baro Dewel, un kamal mandar tchi buder djinell. Doleske hadom me miro wast ap tute, te marap tut. Me hom khino, te krap miro dji tuke pre.

Jeremia 21:5

Me kurau man tumentsa o sorelo wasteha, un hadau miri mussi ap tumende bari choljah, un krau miro dji pandlo tumenge.

Jeremia 38:22

Me dikom, har wan i tsele djuwja, kai pral atchan an tiro kheer win anlo pash i pralstunende o baro rajestar dran o them Babilonia. Kol djuwja penenn tuke palle: “Tire mala, kai tuke penan ‘lauter hi mishto’, rakran jaake bud an tute dren, te kral tu i dinelo koowa. Kanna, kai tire pire an i sapeni tchik hi, mukenn jon tut kokres.”

Jeremia 38:23

Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Jeremia 8:10

Lengre djuwjen dau wawar murshende. Un lengre kotja them dau kolende, kai tradan len krik. Halauter, tikne un bare, chochenna, te wenn le brawelo. Ninna i Debleskre rakepangre un rashaja chochenn i menshen,

Ropaskre gilja 2:8

O baro Dewel las peske soreles glan, te phagell lo i massurja o forestar Jerusalem tele, un tserdas i dori pral lende, te dikell lo pal, har bud tele phagedo wella, un las peskro wast gar krik, bis kek bar ap o wawar atchas. I massurja un turme hi ropah tchiddo ap i phub, un len hi buder kek soor.

Ropaskre gilja 3:3

Kokres ap mande hadas lo peskro wast o tselo diwes.

Ropaskre gilja 5:11

I djuwjen an o foro Zion tapran le sorjah an, ninna i terne tchen an i forja o themestar Juda.

Ropaskre gilja 5:2

Ko them, hoi men dal, hi an i wawarengro wast. Un an mare khera djiwenn wi-themarja.

Ropaskre gilja 5:3

Muklo ham, mare dada hi buder gar koi. Mare daja hi har djuwja, kolengro rom meras.

Ezekiel 35:3

Pen leske: Kawa penell o baro Dewel, maro rai: Kanna sikrau les tuke, tu berga Seir. Un djau sorjah ap tute pre, un krau tutar te wess i mulo un muklo them.

Ezekiel 7:24

Doleske mukau lurden dran tchilatche natsjone pral o Israel te well, te lenn le lengre khera penge dren. Un kol raja, kai rikran i tchorwelen sorjah tele, lenge krau o pre-phurdepen paash. Un kol platse, kai mangan le pengre deblen an, mukau pale-tchiddo te krell.

Micha 2:4

An ko tsiro giwenn le i sapaskri gili pral tumende, un krenn tumen palla, har tumer rowenn: “Halauter hi nashedo. Mer ham khetne maredo! Maro them las o Dewel mendar, un das les kolende, kai lan men pandlo.”

Zefanja 1:13

Lengro brawlepen well randedo, un lengre khera khetne dino. Jon krenn penge khera un djiwenn gar koi dren, un tchiwenn drakengre ruka an i phub, un pijenn kek mool kolendar.

Zefanja 1:4

Me hadau miro wast pral o them Juda, un pral halauterende, kai an o foro Jerusalem djiwenn, te dap len lengri phagi. Un krau lauter paash, hoi kote o chocheno deblestar Baal pral atchas. Ninna leskre rashaja wenn bistedo, un kol wawar rashaja, kai mukan o baro Debles.