Jeremia 52:6 - O Debleskro Drom 2021 (Sinte)

⁶ Ap o enjato diwes an o starto tchon was i bok bares an o foro, un i menshen his buder tchi te chal.

O Debleskro Lab 2024 (Sinte-Manouche)

⁶ Ap o enyato dives an o starto čon vas i bok bares an o foro, oun i menshen his bouder či te rhal.

Jeremia 52:6 ပူးပေါင်းရင်းမြစ်များ

2. Rajengro liil 25:3

Ap o enjato diwes an o starto tchon was i bok bares an o foro, un i menshen his buder tchi te chal.

Jesaja 3:1

O baro Dewel, ko rai pral o bolepen un i phub, lell dran o foro Jerusalem un dran o them Juda lauter krik, ap koleste i menshe pen rikran un hoi len soor das. O tselo maro un o tselo pani lell lo lendar krik.

Jeremia 15:2

Un te putchenn jon tutar: ‘Kai djas mer’, pen lenge: O baro Dewel penell: Ap koneste o merepen wella, ap koleste well lo. Koon mulo dino wella i chareha, kowa well mulo dino. Pral koneste i bok wella, kowa merella i bokatar. Koon pandlo wella, kowa well pandlo.

Jeremia 19:9

Kol lurde, kai kamenn len te marell, tchiwenn pen trul o foro un pandenn les dren. Koi well sawo tchilatcho tsiro, kai kol menshe an ko foro jek i wawares pre chan, ninna pengre tchawen chan jon pre.

Jeremia 21:9

Koon an kau foro atchella, hunte merella an o kurepen, i bokatar, un ap i pharo nasslepen. Koon win djala un pash kol Kaldearja nashella, kai trul tumaro foro tardo hi, kowa atchell djido. Leske atchell tchi har peskro djipen.

Jeremia 25:10

Me krau, te dell buder kek bachtelo gipen. Un koi bachteli gole o pirnestar un i pirnjatar shunenn buder gar. Witar gar shunenn tumer, har i djuwja djob tiknes krenna mank dui barra. Un kek momeli chatchell an tumare khera.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 38:9

Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.

Jeremia 39:2

An o deesh-te-jekto bersh, kai o Zedekja baro rai his, ap o enjato diwes an o starto tchon, phagan jon an o foro dren.

Ropaskre gilja 1:11

I menshe an Jerusalem rowenna un rodenn pal maro. Lengro kutch koowa denn le koi, te well len chapaske, te hunte merenn le gar. Jerusalem rowell: “Ach baro Dewel, kre tire jaka pre, un dik, har i menshe tele dikenn ap mande!”

Ropaskre gilja 5:10

Har te hams an i bob, chatchell mari hauta koi bari bokatar.

Ezekiel 14:13

Tu, mensho, djiness, te phagenn i menshe an jek them mantsa, un rikrenn buder gar ap mande, dau me len i phagi. Un krau, te hi len buder gar doha maro. Un bitchrau i bok an o them, te merenn i menshe un i vieche i bokatar.

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 31:1

An o 11. (deesh-te-jekto) bersh an o triinto tchon ap o jekto diwes an ko tchon penas o baro Dewel ap mande:

Ezekiel 5:16

Te bitchrau i bok mank tumende, hi kowa jaake har te doms tchilatche faile karje mank tumende, te marap tumen. An ko tsiro well tumen buder gar doha te chal. Un i bok well baro un bareder mank tumende.

Ezekiel 7:15

Glan o foro hi kol lurde, kai kamenn i Israelitarjen te marell. An o foro hi i pharo nasslepen un bok. Koon win glan o foro hi, kowa well o chareha maredo. Un koon an o foro dren hi, merell ap o pharo nasslepen un i bokatar.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.