Jeremia 52:20 - O Debleskro Drom 2021 (Sinte)

²⁰ Kolla dui turme, ko baro thopaskro tcharo, kol deesh-te-dui grumja, ap kolende ko thopaskro tcharo tardo his, un kol wurdja, kai o baro rai Salomo mukas te krell o baro Debleskro khereske, kolla lauter his dran jaake bud lolo saster kerdo, te djinas kek, har phares kowa his.

O Debleskro Lab 2024 (Sinte-Manouche)

²⁰ Kolla douy turme, ko baro thopaskro čaro, kol deesh-te-douy groumya, ap kolende ko thopaskro čaro tardo his, oun kol vourdya, kay o baro ray Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.

Jeremia 52:20 ပူးပေါင်းရင်းမြစ်များ

1. Rajengro liil 7:25

Tardo his ko thopaskro tcharo ap 12 (deesh-te-dui) grumja dran lolo saster. Kolendar dikan triin ap i serwi rig, triin ap i palstuni rig, triin ap i tchatchi rig un triin ap i glanstuni rig. Lengre palstune herja his mashkral tel o thopaskro tcharo. Kowa his tardo ap lengre dume.

1. Rajengro liil 7:47

Kol tsele kotja his jaake bud, te mukas o baro rai Salomo gar win te hatsell, har pharo kowa lauter his.

2. Rajengro liil 25:16

Kolla dui turme, ko baro thopaskro tcharo un kol wurdja, kai o Salomo mukas te krell o baro Debleskro khereske, kolla lauter his dran jaake bud lolo saster kerdo, te djinas kek, har phares kowa his.

1. Familjakro liil 22:14

Un kanna dik, me marom man tele te anom bud koowa khetne o khereske o baro Deblestar: sheel serja (100.000) zentnarja sonakai un i sero serja (1.000.000) zentnarja rup; koi pashel lolo saster un wawar saster jaake bud, kai nai penau gar har bud kowa hi. Ninna mukom kasht un barra te anell. Un tu nai tchiweh gomme budeder pashel.

2. Familjakro liil 4:18

Un o Salomo mukas jaake bud kotja dran lolo saster te krell, te nai penas kek, har pharo kowa lauter his.

Jeremia 52:17

Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko baro thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.