Jeremia 52:18 - O Debleskro Drom 2021 (Sinte)

¹⁸ Ninna lan le pentsa krik kol pirja, bare roja, i tchinepangre, kolentsa i dorja an i momlia tele tchinlo wenn, un bare un tikne tchare un o tselo wawar koowa dran lolo saster, kai budran le leha an o Debleskro kheer.

O Debleskro Lab 2024 (Sinte-Manouche)

¹⁸ Ninna lan le pentsa krik kol pirya, bare roya, i činepangre, kolentsa i dorya an i momlia tele činlo venn, oun bare oun tikne čare oun o tselo vavar koova dran lolo saster, kay boudran le leha an o Debleskro kheer.

Jeremia 52:18 ပူးပေါင်းရင်းမြစ်များ

1. Rajengro liil 7:40

Un o Huram kras ninna pirja, bare roja, un tchare. Un jaake kras lo halauter, hoi o rai Salomo lestar kamas, te krell lo o baro Debleskro khereske.

1. Rajengro liil 7:45

i pirja, bare roja un tchare; Kol tsele kotja, hoi kras o Huram o baro Debleskro khereske, jaake har o baro rai Salomo leske penas, kolla his halauter dran shukar kerdo lolo saster.

1. Rajengro liil 7:50

i tchare, tchurja, tchare o rateske, roja un pirja, – kolla lauter his dran djudjo sonakai; i hidjepangre, hoi i wudja rikrenn: ko wudar glan o Debleskri kutch isema un o khereskro wudar. Kalla his kerdo dran sonakai.

1. Familjakro liil 28:17

ninna har bud latcho sonakai fer i forshette, i tchare un i khore, un har bud rup i rupene khorenge,

2. Familjakro liil 4:11

Un o Huram kras ninna pirja, bare roja, un tchare. Un jaake kras lo halauter, hoi o rai Salomo lestar kamas, te krell lo o Debleskro khereske.

2. Familjakro liil 4:16

Kol tsele kotja, hoi kras o Huram-Abi o baro Debleskro khereske, jaake har o baro rai Salomo leske penas, kolla his halauter dran shukar kerdo lolo saster.

2. Familjakro liil 4:22

i tchurja, tchare o rateske, roja un pirja, – kolla lauter his dran djudjo sonakai; kol wudja glan o Debleskri kutch isema un glan o Debleskro kheer. Kalla his kerdo dran sonakai.

2. Familjakro liil 4:8

Un job kras deesh chapangre un tchiwas len ninna an o kheer, pantch ap i tchatchi rig un pantch ap i serwi rig. Un job kras sheel sonakangre tchare.

Esra 1:10

30 (trijanda) sonakangre khore un 410 (star-sheel-te-deesh) rupene khore un 1.000 (jek sero) wawar koola.

2. Mose 25:29

Dran latcho sonakai kress tu ninna kol tchare un khore, an kolende i mool o Debleske tchoredo well.

2. Mose 25:38

Kre ninna tchare, kai i momelengri tchik dren wella, un tchinepangre, kolentsa i dorja an i momlia tele tchinlo wenna. Kolla lauter wenn dran o latcho sonakai kerdo.

2. Mose 27:3

Kre ninna kol tsele koola dran saster, kolentsa budrenn le ap o Debleskri chatchepaskri: pirja, an kolende i jagakri tchik dren wella, bare roja, tchare, kai o rat dren wella, massengre forshette, jagakre tchare.

2. Mose 37:16

Un job kras ninna ko tselo koowa, hoi ap i chapaskri well, dran latcho sonakai: tchare un khore, an kolende i mool o Debleske dren anlo well.

2. Mose 37:23

Un ninna dran latcho sonakai kras lo kol efta momlia, lengre tchinepangre, kolentsa i dorja an i momlia tele tchinlo wenna, un i tchare, kai i momelengri tchik dren wella.

2. Mose 38:3

Un job kras kol tsele koola dran lolo saster, kolentsa budrenn le ap i sasterni chatchepaskri: i pirja, an kolende i jagakri tchik dren wella, bare roja, tchare, kai o rat dren wella, massengre forshette, jagakre tchare.

4. Mose 4:14

Un ko tselo koowa, kai budrenn jon peha, tchiwenn le koi pral pre: jagakre tchare, massengre forshette, bare roja, kolentsa lenn le i jagakri tchik krik, tchare, kai o rat dren wella, un ko tselo koowa, hoi koi pashel hi. Pral halauter tchiwenn le i latchi ledertikri plachta. Palle tchiwenn le kol hidjepaskre kashta an i gustria ap o bob.

4. Mose 4:7

Un pral i chapaskri, kai o Debleskro maro pre tchiddo well, hunte tchiwenn le ninna i blaueti plachta. Un koi pre tchiwenn le kol pirja un roja, kol tchare un khore, kai i mool o Debleske dren wella. Ninna o Debleskro maro hunte well koi pre tchiddo.