Jeremia 52:15 - O Debleskro Drom 2021 (Sinte)

¹⁵ Un kol menshe, kai pral atchan an o foro Jerusalem, kolen anas o Nebusaradan pandles an o them Babilonia. Mank lende his tchorwele, ninna kolla, kai dan pen an o wast o baro rajestar pral o them Babilonia, un sawe, kai pral atchan kol budepangre menshendar, kai glan i tsiro koi djiwan.

O Debleskro Lab 2024 (Sinte-Manouche)

¹⁵ Oun kol menshe, kay pral ačan an o foro Yerusalem, kolen anas o Nebouzaradan pandles an o them Babilonia. Mank lende his čorvele, ninna kolla, kay dan pen an o vast o baro rayestar pral o them Babilonia, oun save, kay pral ačan kol boudepangre menshendar, kay glan i tsiro koy djivan.

Jeremia 52:15 ပူးပေါင်းရင်းမြစ်များ

2. Rajengro liil 25:11

Un kol menshen, kai pral atchan an o foro Jerusalem, anas o Nebusaradan pandles krik an o them Babilonia, ninna kolla, kai dan pen an o wast o baro rajestar pral o them Babilonia, khetne kolentsa, kai pral atchan kol budendar, kai glan i tsiro koi djiwan.

2. Rajengro liil 25:8

O baro rajes pral o them Babilonia, o Nebukadnezar, les his i baro lurdo an peskro kheer. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o eftato diwes an o pantchto tchon an o foro Jerusalem.

Jeremia 1:3

An ko tsiro pal kowa, har koleskro tchawo, o Jojakim, o baro rai his, rakras o baro Dewel pale ap o Jeremia bis ko tsiro was, kai i menshe dran Juda pandles an i wawar them anlo wan. Kowa his an o pantchto tchon an ko deesh-te-jekto bersh, har o Zedekja, koleskro dad o Josia his, o baro rai pral Juda his.

Jeremia 39:9

O pralstuno i lurdendar – leskro lab his Nebusaradan – kowa anas kolen, kai gomme an o foro his, ninna kolen, kai pash lende wergel nashan, pandles an o them Babilonia.

Ezekiel 12:11

Ap kowa, hoi krom, nai dikenn le, har lenge djal. Me hom lenge i sikepen: Jon hunte djan penge un wenn pandles krik anlo.

Zakarie 14:2

Me lau i lurden dran i tsele themma khetne, te kurenn le pen o foreha Jerusalem. Jon lenn o fores dren, tchorenn i khera win, un taprenn sorjah i djuwjenge an. Kol menshendar an o foro well i paash pandles krik anlo. Kolla, kai pral atchan, atchenn nai an o foro.