Jeremia 52:13 - O Debleskro Drom 2021 (Sinte)

¹³ Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

O Debleskro Lab 2024 (Sinte-Manouche)

¹³ Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

Jeremia 52:13 ပူးပေါင်းရင်းမြစ်များ

1. Rajengro liil 9:8

Un kau kheer well tele phagedo. Un halauter, kai djan kote un dikenn kowa, lenge atchell o rakepen krik i trashatar, un jon penenn: ‘Hoske kras o baro Dewel sawo koowa kau themeha un kau khereha?’

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

2. Familjakro liil 36:19

Kol lurde dran o them Babilonia chatchran o baro Debleskro kheer un phagan o foreskre massurja tele. Un i tsele turme chatchran le i jagatar win. Un jaake was lengro tselo kutch koowa chatchedo an i jag un buder tchi moldo.

Debleskri gili 79:1

I gili, hoi o Asaf kras. Maro Dewel, menshe dran wawar themma peran an tiro them dren; tiro kheer, hoi tuke kokres his, kran le pale-tchiddo. Un o foro Jerusalem dan le paash.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 21:10

Djinenn, man hi soreles glan, te anap bibacht pral kau foro, un wau gar ap leskri rig, penell o baro Dewel. Kau foro perell an o wast ko baro rajeske pral Babilonia. Kowa tchiwell jag ap leste un chatchrell les pre.

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 22:14

Bibacht ap koleste, kai penell peske: ‘Kamau man i baro kheer te krell, kai hi bare iseme un bud wochja dren.’ Ap i massurja mukell lo zedertikro kasht te tchiwell un lolo djet te makell.

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 38:23

Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

Jeremia 6:5

Palle djas ap i rati, un kras lengre raile khera paash.

Jeremia 7:14

Doleske krau me kau khereha, har me ko foreha Shilo krom, ninna te was kau kheer mange kerdo, un tumer patsenn, kote nai djal tumenge tchi. Me krau koi platsa paash, hoi dom tumen un tumare phuren.

Ropaskre gilja 2:5

O baro Dewel was har jek, kai hi tchilatcho ap mende. Job das o them Israel khetne. Job phagas i tsele shukar khera tele un kras i sorele forja paash. Bud ropen un dukepen anas lo pral o them Juda.

Ropaskre gilja 2:6

Job phagas peskro kheer tele, har te wals lo i kashteno kheer an i baar, un kras koi platsa paash, kai wam khetne glan leste. Job kras, te well buder kek an o foro Zion ap i bare diwessa un ap o Debleskro diwes. An peskri soreli choli tchiwas lo o baro rajes un i rashajen pale.

Ropaskre gilja 2:7

Fun peskro altaro kamell lo buder tchi te djinell. Peskro khereske sikrell lo o dumo. Leskre massurja das lo kolenge an o wast kai maro foro paash kran, un koi pashel i bari gole dan an o baro Debleskro kheer, har an kol bare diwessa, kai kote bud menshe khetne wan.

Ropaskre gilja 2:8

O baro Dewel las peske soreles glan, te phagell lo i massurja o forestar Jerusalem tele, un tserdas i dori pral lende, te dikell lo pal, har bud tele phagedo wella, un las peskro wast gar krik, bis kek bar ap o wawar atchas. I massurja un turme hi ropah tchiddo ap i phub, un len hi buder kek soor.

Ezekiel 16:41

Un tire khera chatchrenn le an i jag pre, un denn tut tiri phagi glan i jaka bud djuwjendar. Jaake krau, te nai lubreh buder gar trujel, un nai gineh tuke buder kek pirnes.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Amos 2:5

Me bitchrau i jag an o them Juda, un chatchrau kol sorele khera tele an Jerusalem.

Amos 6:11

Djinenn: O baro Dewel, te penell job: ‘O baro kheer hunte perell khetne’, palle perell lo khetne. Un te penell job: ‘O tikno kheer hunte perell an kotja’, palle perell lo an kotja.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Zakarie 11:1

Tu Libanon, kre tire wudja pre, te chatchrell i jag tire zedertikre ruka.

Mateo 24:2

Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”