Jeremia 52:12 - O Debleskro Drom 2021 (Sinte)

¹² O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

O Debleskro Lab 2024 (Sinte-Manouche)

¹² O baro rayes pral o them Babilonia, o Neboukadnezar, his i baro lourdo, koles boud penepaske his. Koleskro lab his Nebouzaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebouzaradan ap o deshto dives an o pančto čon an o foro Yerusalem.

Jeremia 52:12 ပူးပေါင်းရင်းမြစ်များ

1. Mose 37:36

Un i parepangre dran o them Midian bikran o Josefes an o them Egiptia ap jekeste kol rajendar, kai an o baro rajeskro kheer hi. Leskro lab his Potifar. Job his o pralstuno kolendar, kai denn garda ap o baro rajeste pral o them Egiptia.

2. Rajengro liil 24:12

Un o Jojachin, ko rai pral o them Juda, das pes an i wasta ko rajestar dran o them Babilonia, un djas win pash leste: job un leskri dai un leskre pralstune budepangre un bare lurde, ninna kol raja, kai an leskro kheer his. Un o Nebukadnezar, ko baro rai dran o them Babilonia, tchiwas les stildes. An ko tsiro his o Nebukadnezar an o ochtato bersh baro rai.

2. Rajengro liil 25:8

O baro rajes pral o them Babilonia, o Nebukadnezar, les his i baro lurdo an peskro kheer. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o eftato diwes an o pantchto tchon an o foro Jerusalem.

Esra 5:12

Mare phure choiran o bolepaskro Debles; un palle das lo len an o wast o baro rajestar dran o them Babilonia. Kowa his o Nebukadnezar, ko Kaldeari. Job mukas kau kheer khetne te phagell, un anas i menshen, kai kate djiwan, an o them Babilonia.

Nehemia 2:3

Un me penom ap o rajeste: “Baro rai, te djiwess hako tsireske! Har nai well mange gar ropaske? Ko foro, kai mire phure paskedo hi, hi paash kerdo. Un leskre bare wudja hi pre chatchedo.”

Debleskri gili 79:1

I gili, hoi o Asaf kras. Maro Dewel, menshe dran wawar themma peran an tiro them dren; tiro kheer, hoi tuke kokres his, kran le pale-tchiddo. Un o foro Jerusalem dan le paash.

Jeremia 1:3

An ko tsiro pal kowa, har koleskro tchawo, o Jojakim, o baro rai his, rakras o baro Dewel pale ap o Jeremia bis ko tsiro was, kai i menshe dran Juda pandles an i wawar them anlo wan. Kowa his an o pantchto tchon an ko deesh-te-jekto bersh, har o Zedekja, koleskro dad o Josia his, o baro rai pral Juda his.

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

Jeremia 39:11

Un o Nebukadnezar, ko rai dran o them Babilonia, rakras o pralstuneha i lurdendar, o Nebusaradan, un penas leske, hoi te krell lo o Jeremijeha:

Jeremia 39:9

O pralstuno i lurdendar – leskro lab his Nebusaradan – kowa anas kolen, kai gomme an o foro his, ninna kolen, kai pash lende wergel nashan, pandles an o them Babilonia.

Jeremia 52:14

Un kol tsele lurde dran o them Babilonia, kai leha wan, phagan i tsele massurja trul o foro Jerusalem tele.

Jeremia 52:29

har lo an o deesh-te-ochtato bersh baro rai his: 832 (ochta-sheel-trijanda-te-dui) menshe dran o foro Jerusalem.

Daniel 1:1

An ko tsiro, har o Jojakim an o triinto bersh o baro rai pral o them Juda his, was o baro rai pral o them Babilonia – leskro lab his Nebukadnezar – glan o foro Jerusalem, un tchiwas pes peskre lurdentsa trul o foro.

Daniel 2:14

Koi djas o Daniel pash o pralstuno lurdeste kolendar, kai dan jak ap o baro rajeste. Leskro lab his Arjoch. Job his kowa, kai win djas, te marell lo i sikle murshen an o them Babilonia. Un o Daniel rakras gosewe labentsa leha un putchas lestar:

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”