Jeremia 51:64 - O Debleskro Drom 2021 (Sinte)

⁶⁴ un pen: “Jaake hunte djal o foro Babilon tele, un well buder gar pre dran koi bari bibacht, hoi o baro Dewel pral kau foro anell.” Palle hi ko foro buder gar koi. Kalla his o Jeremijeskre laba.

O Debleskro Lab 2024 (Sinte-Manouche)

⁶⁴ oun pen: “Yaake hounte djal o foro Babilon tele, oun vell bouder gar pre dran koy bari bibarht, hoy o baro Devel pral kava foro anell.” Palle hi ko foro bouder gar koy. Kalla his o Yeremiyeskre laba.

Jeremia 51:64 ပူးပေါင်းရင်းမြစ်များ

Hiob 31:40

palle te well buder kek gib un djob win dran miri phub! Na-a, palle te anell i phub subjengre burra un djungelo senlepen win! Kate herell o Hiobeskro rakepen pre.

Debleskri gili 72:20

Kate herenn pre o Davideskre gilja, kolentsa job o Debles an-mangas. O Davideskro dad his o Isai.

Debleskri gili 76:12

Denn tumen sowel, te denn tchomone o baro Debleste, kai tumaro Dewel hi. Un rikrenn tumari sowel! Anenn leske kutch koowa, tumer dran i tsele themma, kai trul leste hi. Job hi kowa, kolestar hakeno darella.

Jesaja 47:13

Bud gosewe penan tuke, hoi te kress, jaake te wal khino kol bud labendar. Mu wenn le kanna un lenn tut dran i bibacht win, kolla, kai drawerenn an i bolepangre momlia, te djinenn le, hoi wella, un hako newo tchon tuke penenn, hoi pral tute well.

Jeremia 13:4

Le ko pereskro pandepen, hoi tu ginal un tchiwal trul tute, un dja pash o lengsto pani Eufrat un khate les mashkral kol bare barra.

Jeremia 19:10

Tu dess ko khoro paash glan kol murshengre jaka, kai tuha djan.

Jeremia 25:27

Un o baro Dewel penas mange: Pen lenge: Kowa hi, hoi penell o baro Dewel, ko rai pral o bolepen un i phub, kones i Israelitarja an-mangenn: Pijenn, te wenn mato un hunte tchadenn, bis te perenn tele un nai stenn gar buder pre! Perenn an o charo, hoi bitchrau mank tumende!

Jeremia 51:42

I baro pani was pral o foro Babilon, sorele panja tchakran o foro tel pende.

Jeremia 51:58

Kawa penell o baro Dewel, ko rai pral o bolepen un i phub: I massurja ko baro forestar Babilon wenn tele phagedo bis ap i phub, un o foreskre bare wudja wenn chatchedo. Palle hi koi budi tchitcheske kerdo, hoi menshe dran wawar themma kran. Koleske jon pen tele maran, kowa chatchrell pre.

Jeremia 9:5

Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

Ezekiel 28:19

I menshenge an i wawar themma, kai prindjran tut, atchenn i balla tardo, kai tu jaake sik tele djal un buder gar pre weh.

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

Debleskro tsiro 14:8

Un i duito wawar bolepaskro was pal leste, un penas: “O baro foro peras khetne. O baro foro Babilon peras khetne, ko foro, hoi anas i menshen an i tsele themma ap peskro drom, te kran le wi-ladjedo koowa. Kowa his jaake har te das lo len mool te pijell. Doleske was o Debleskri choli pral o foro.”

Debleskro tsiro 18:2

Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.

Debleskro tsiro 18:21

Un i sorelo bolepaskro hadas i baro bar pre, un witsras les an o baro pani, un penas: “Jaake djal o baro foro Babilon i sorjah tele. Un tchi buder atchell lestar.