Jeremia 51:6 - O Debleskro Drom 2021 (Sinte)

⁶ Nashenn sik dran o foro Babilon, nashenn tumaro djipaske! te djan gar halauter tele an koi doosh, hoi kau foro ap peste anas! Kowa hi o baro Debleskro tsiro, kai dell lo i Babilonarjen ko tchilatchepen pale, hoi kolla kran.

O Debleskro Lab 2024 (Sinte-Manouche)

⁶ Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Jeremia 51:6 ပူးပေါင်းရင်းမြစ်များ

Debleskri gili 94:1

Baro Dewel, tu hal o Dewel, kai o tchilatchepen pale deh kolenge, kai wawaren tchilatchepen kran. Ab, un sike tut!

Gosewe laba 13:20

Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Jesaja 63:4

An miro dji was o diwes, kai dau hakenes pale, hoi lo kras. Un ko bersh was, kai lau mire menshen dran o tchilatchepen win.

Jeremia 25:14

Awa, ninna i Babilonarja wenn budepangre un hunte budrenn i menshenge an bud themma un lengre sorele bare rajenge. Jaake dau len pale, hoi jon ap mire menshende kran. Jaake lenn le pengri phagi.

Jeremia 25:16

Jon hunte pijenn les, te wenn le mato, un perenn har dinelo an ko charo, hoi bitchrau mank lende.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Jeremia 48:6

“Nashenn tumenge sik”, kharenn le. “Nashenn tumaro djipaske! Nashenn an o mulo tato them, te djiwenn kote har i bur.”

Jeremia 50:15

Denn i kurepaskri gole haki rigjatar! Dikenn, o foro dell pre! Leskre turme phagenn khetne. Leskre massurja hi tele phagedo. O baro Dewel dell o foro Babilon peskri phagi. Denn o foreske halauter pale pale, hoi kau foro ninna kras!

Jeremia 50:28

I bari gole well shunlo kolendar, kai hunte nashenn penge sik, kolendar, kai wan win dran o them Babilonia. An Jerusalem ap i berga Zion penenn le, hoi maro baro Dewel ap i Babilonarja kras, te dell lo lenge pale, hoi jon leskro khereha kran.

Jeremia 50:31

Dik, tu pre-phurdo, me kamau ap tute te well, penell o baro Dewel, ko rai pral o bolepen un i phub; tiro diwes was, ko tsiro, kai tiri phagi leh.

Jeremia 50:8

Nashenn sik dran o foro Babilon, mukenn ko them! Un krenn har i mursh bakre, kai nashenn glan kol wawar bakre!

Jeremia 51:11

I Babilonarja kran o baro Debleskro kheer paash. Doleske las pes o baro Dewel glan, te phagell lo o foro Babilon tele. Job das i rajende dran o them Media bud soor an lende, te djan le ap o foro Babilon pre. Tchinenn tumare faile! Lenn tumare sasterne betcheskre patria an o wast!

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Jeremia 51:45

Tumer Israelitarja, mire menshe, djan win dran ko them! Hakeno tumendar mu nashell peskro djipaske! Miri bari choli well pral o foro.

Jeremia 51:50

Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Jeremia 51:56

wenn kolla pral o foro Babilon, kai phagenn o foro tele. Kol sorele kurepangre an Babilon wenn pandlo, lengre boge wenn phagedo. O baro Dewel hi i Dewel, kai dell lenge ko tchilatchepen pale, hoi le kran.

Jeremia 51:9

[I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

Ropaskre gilja 3:64

De lenge les pale, baro Dewel, har jon mantsa kran!

4. Mose 16:26

Un job penas ap i tsele menshende: “Djan krik kol plachtene kherendar kol menshendar, kai shunenn gar ap o Debleste! Un taprenn ap tchi, hoi len hi, te merenn tumer gar ap ko tselo tchilatcho koowa, hoi jon kran!”

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

5. Mose 32:41

Me krau, te tchinell miro charo mishto, te well o tchatchepen kerdo. Un me dau o tchilatchepen ap kolengre sherja pale, kai kuran pen mantsa. Un miri choli well ap kolende, kai hi chojedo ap mande chojedo.

5. Mose 32:43

Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

Debleskro tsiro 16:19

Un o baro foro phagas an triin kotja. Un i forja an i wawar themma peran khetne. O Dewel bistras ko baro foro Babilon gar, un mukas i menshen kote peskri choli te pijell har mool.