Jeremia 51:59 - O Debleskro Drom 2021 (Sinte)

^59-60 Kal tsele laba, kai penenn, hawi bibacht pral o foro Babilon well, tchinas o Debleskro rakepaskro, o Jeremia, an i liil. Kau liil das lo i mursheste, kowa kharas Seraja. Leskro dad his o Nerija, koleskro dad his o Machseja. Kowa his an ko tsiro, har o Zedekja an o starto bersh baro rai pral o them Juda his, un an o foro Babilon djas. O Seraja djas leha. Un an leskro wast his, te dikell lo, kai lauter mishto djas ap o drom.

O Debleskro Lab 2024 (Sinte-Manouche)

^59-60 Kal tsele laba, kay penenn, havi bibarht pral o foro Babilon vell, činas o Debleskro rakepaskro, o Yeremia, an i liil. Kava liil das lo i morsheste, kova kharas Seraya. Leskro dad his o Neriya, koleskro dad his o Maasseya. Kova his an ko tsiro, har o Sedekya an o starto bersh baro ray pral o them Youda his, oun an o foro Babilon djas. O Seraya djas leha. Oun an leskro vast his, te dikell lo, kay lauter mishto djas ap o drom.

Jeremia 51:59 ပူးပေါင်းရင်းမြစ်များ

Esra 5:12

Mare phure choiran o bolepaskro Debles; un palle das lo len an o wast o baro rajestar dran o them Babilonia. Kowa his o Nebukadnezar, ko Kaldeari. Job mukas kau kheer khetne te phagell, un anas i menshen, kai kate djiwan, an o them Babilonia.

Jeremia 28:1

An kau emligo bersh an o pantchto tchon an o starto bersh, har o Zedekja o baro rai pral Juda his, rakras o rakepaskro, o Hananja, ap mande. Leskro dad his o Asur. O Hananja his i rakepaskro dran Gibeon, kai das glan, kai leskre laba o baro Deblestar wenna. Job rakras ap mande, har homs an o baro Debleskro kheer. Un i rashaja un kol wawar menshe, kai ninna koi his, shunan, har job mange penas:

Jeremia 32:12

un dom hake dui lila o mursheste Baruch. Koleskro dad his o Nerija, koleskro dad his o Machseja. Koi pashel his miro nebudo, o Hanamel, un kol mursha kai kowa halauter dikan, un kai tel o ginepaskro liil pengro labeha tardo his, ninna i tsele mursha dran Juda, kai ap i lurdengri platsa his.

Jeremia 36:4

Koi kharas o Jeremia o murshes, koleskro lab Baruch hi. Leskro dad his o Nerija. Un o Baruch tchinas i tsele laba pre, hoi o baro Dewel ap o Jeremia penas, jaake har o Jeremia leske kowa penas.

Jeremia 45:1

An o starto bersh, har o Jojakim, koleskro dad o Josia his, o baro rai pral o them Juda his, tchinas o Baruch, koleskro dad o Nerija his, halauter an i liil, hoi o Debleskro rakepaskro, o Jeremia, leske penas. Koi penas o Jeremia ap o Baruch:

Jeremia 52:1

Biish-te-jek bersh his o Zedekja, har lo baro rai was; un deesh-te-jek bersha his lo baro rai an o foro Jerusalem. Leskri dai kharas Hamutal. Lakro dad his o Jirmeja dran Libna.