Jeremia 51:55 - O Debleskro Drom 2021 (Sinte)

⁵⁵ O baro Dewel krell o foro Babilon paash, un marell kol bud menshen, kai kote djiwenn. Har i baro sorelo pani, hoi bari gole dell,

O Debleskro Lab 2024 (Sinte-Manouche)

⁵⁵ O baro Devel krell o foro Babilon paash, oun marell kol boud menshen, kay kote djivenn. Har i baro zorelo pani, hoy bari gole dell,

Jeremia 51:55 ပူးပေါင်းရင်းမြစ်များ

Debleskri gili 124:2

Te wals o baro Dewel gar ap mari rig, har i menshe pre djan ap mende,

Debleskri gili 124:4

Palle tassals men o pani, hoi pral mende was, un tserdals men peha,

Debleskri gili 18:4

Me sharau o baro Debles! Te dau ap leste gole, lell lo man win dran i wasta kolendar, hoi mange tchilatchepen kamenna.

Debleskri gili 65:7

Tiri sorjah tchiwal tu i berge soreles ap i phub, un tchiwal tiri bari soor trul tute har i ripen.

Debleskri gili 69:2

Le man win, mo Dewel! O pani djal mange bis pash i meen.

Jesaja 15:1

Kate sikrell o Dewel, hoi pral o them Moab wella. An jek rat well o foro Ar an o them Moab khetne stakedo. Un ko foro hi buder gar koi. An jek rat well o foro Kir an o them Moab khetne stakedo. Un o foro hi buder gar koi.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 47:5

Rike tiro mui, un besh tut tele, Babilon! Khate tut an i kali rati! Tu well buder gar kharedo ‘Rajetsa pral bud themma’.

Jeremia 25:10

Me krau, te dell buder kek bachtelo gipen. Un koi bachteli gole o pirnestar un i pirnjatar shunenn buder gar. Witar gar shunenn tumer, har i djuwja djob tiknes krenna mank dui barra. Un kek momeli chatchell an tumare khera.

Jeremia 51:42

I baro pani was pral o foro Babilon, sorele panja tchakran o foro tel pende.

Ezekiel 26:3

Doleske penell o baro Dewel, maro rai: Kanna sikrau les tuke, tu foro Tirus! Dran bud themma anau me lurden kurepaske tuha. Jek them pal o wawar djal ap tute pre, jaake har dell o baro pani ap o themeskri rig.

Louka 21:25

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole.

Debleskro tsiro 17:15

Un o bolepaskro penas ap mande: “Tu dikal, kai beshell koi djuwel, hoi wi-ladjedo koowa krell, pash bud panja. Kol panja hi menshe dran haki harmenatsjona, dran hako them, haki natsjona, un hako rakepen.