Jeremia 51:43 - O Debleskro Drom 2021 (Sinte)

⁴³ I wawar forja an o them hi paash dino. O them Babilonia was i mulo tato them kek panjeha, i diwjo truk them, kai kek mensho djiwell, un kek mensho ap i raisa djal.

O Debleskro Lab 2024 (Sinte-Manouche)

⁴³ I vavar forya an o them hi paash dino. O them Babilonia vas i moulo tato them kek panyeha, i divyo trouk them, kay kek mensho djivell, oun kek mensho ap i raysa djal.

Jeremia 51:43 ပူးပေါင်းရင်းမြစ်များ

Debleskri gili 46:8

O baro Dewel, ko rai pral o bolepen un i phub, hi ap mari rig. Job hi o Jakobeskro Dewel un rikrell peskre wasta pral mende.

Jesaja 13:20

Kek djiwell buder an ko foro kek tsireske, un kek mukell pes buder kote tele. Kek Arabari tchiwell kote peskro plachteno kheer pre. Un kolla, kai denn jak ap i bakre, mukenn kolen gar kote te chal.

Jesaja 34:13

Un an i rajengre khera djan i subjengre burra pre, un ap i barrengre massurja well subjengro senlepen baro. I diwje djukle djiwenn kote, un bare diwje tchirkle hi kote khere.

Jesaja 47:11

Kanna well i bibacht pral tute, hoi tu nai gar krik drawereh. Awa, bibacht perell ap tute, kolatar nai nasheh gar tuke. Un jaake sik well koi bibacht pral tute, te nai dikeh lat gar glan-wi.

Jeremia 18:16

Doleske well lengro them har i mulo them, kai le daar lenna. Un kolenge, kai dikenn kowa, atchell o rakepen krik. Un jon denn i wasta pral o shero khetne.

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?

Jeremia 50:12

o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

Jeremia 51:29

I phub trissella un darella! Kowa, hoi o baro Dewel pes glan las, well jaake: O foro Babilon un o tselo them Babilonia well i mulo them, kai buder kek nai djiwella.

Jeremia 51:37

Tchi te atchell o forestar Babilon har barra, un diwje djukle djiwenn kote. Kolenge, kai dikenn ko foro, atchell o rakepen krik i trashatar. O foro well lenge sapaske. Un kek mensho djiwell buder kote.

Jeremia 51:62

Un palle pen: “Baro Dewel, tu penal, kai kreh kau foro paash, jaake kai kek nai djiwella buder kate, kek mensho un kek viecho. Tu penal, te well kau foro i mulo foro hako tsireske.”