Jeremia 51:30 - O Debleskro Drom 2021 (Sinte)

³⁰ Kol sorele kurepangre an o them Babilonia atchenn an lengre sorele khera, un djan gar an o kurepen. Lengri sorjah hi tchi buder, jon wan har djuwja. O foreskre wudja hi pre-phagedo, un i khera chatchenna.

O Debleskro Lab 2024 (Sinte-Manouche)

³⁰ Kol zorele kourepangre an o them Babilonia ačenn an lengre zorele khera, oun djan gar an o kourepen. Lengri zoryah hi či bouder, yon van har djouvya. O foreskre voudya hi pre-phagedo, oun i khera rhačenna.

Jeremia 51:30 ပူးပေါင်းရင်းမြစ်များ

Debleskri gili 107:16

te das lo sasterne wudja dren, un phagas sasterne pandepangre.

Debleskri gili 147:13

Kol bare foreskre wudja krell lo soreles, un ap tumare tchawende tchiwas lo peskri bacht.

Debleskri gili 76:5

Tu hal raileder un bareder har i berge, hoi hako tsiro atchenna.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jesaja 47:14

Dik, jon wan har tchinlo phuss, hoi i jag pre chatchrell! Kaja hi gar i tikni jag, pash kolate besheh un tut tatsreh. Na-a, jaake sorelo hi koi jag, te nai nashenn le gar penge, un nai lenn gar pengro djipen win.

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Jeremia 50:15

Denn i kurepaskri gole haki rigjatar! Dikenn, o foro dell pre! Leskre turme phagenn khetne. Leskre massurja hi tele phagedo. O baro Dewel dell o foro Babilon peskri phagi. Denn o foreske halauter pale pale, hoi kau foro ninna kras!

Jeremia 51:32

Lurde hi tardo pash o lengsto pani, te nashell nai buder kek wergel. I sorele khera hi tele chatchedo. Un mare kurepangre wan dareno.”

Jeremia 51:57

O baro Dewel penell: Me krau len mato, kol pralstunen an Babilon, kol gosewe murshen, themeskre rajen, pralstune lurden, un kol wawar lurden an Babilon, te perenn le an i sopen, kolestar jon buder gar pre stenn. Kowa penell o baro rai, koleskro lab hi: baro Dewel, ko rai pral o bolepen un i phub.

Ropaskre gilja 2:9

O foreskre wudja peran un hi tchiddo an i tchik. Lengre pesse pandepangre kashta phagas lo an kotja. Lengro baro rai un lengre pralstune djiwenn an wawar themma. Kek hi koi, kai sikrell i menshenge o Debleskro drom. O Debleskre rakepangren hi buder tchi te penell. O baro Dewel sikras len tchi.

Amos 1:5

Me phagau i bare wudja o forestar Damaskus paash, un mukau i rajen dran Bikat-Awen un Bet-Eden mulo te dell. Un i menshe dran o them Syria wenn pandles krik anlo an o them Kir. Ko penell o baro Dewel.

Nahum 3:13

Tire kurepangre – har djuwja wan le! I wudja glan tiro them hi dur pre, te nai djan kolla dren, kai kamenn tut te marell. I jag chatchrell kol sorele kashta, kolentsa i bare wudja pandle hi.

Debleskro tsiro 18:10

Dur glan o foro hi le tardo i darjatar, te well koi bibacht ninna ap lende, un jon penenna: “Dikenn! Hawi bibacht! Hawi bibacht! O baro foro Babilon, o sorelo foro! Leskri phagi was an jek tikno tsiro pral leste.”