Jeremia 51:22 - O Debleskro Drom 2021 (Sinte)

²² Tiri sorjah dom murshen un djuwjen mulo, phure un terne, tchawe un tcha.

O Debleskro Lab 2024 (Sinte-Manouche)

²² Tiri zoryah dom morshen oun djouvyen moulo, phoure oun terne, čave oun ča.

Jeremia 51:22 ပူးပေါင်းရင်းမြစ်များ

2. Familjakro liil 36:17

Un o baro Dewel mukas o baro rajes Nebukadnezar dran o them Babilonia pral lende te well. Leskre lurde maran i terne murshen o chareha, ninna an o Debleskro kheer. O baro rajes dran Babilonia khaitas kek, gar i terne mursha, witar gar i terne tcha, gar i phure, ninna te his le nasselo. Halauteren das o baro Dewel an leskro wast.

Jesaja 13:15

Koon an o foro Babilon hatslo well, well tele tchurje dino. Un koon tapedo well, well o chareha mulo dino.

Jesaja 13:16

Lengre tikne tchawe wenn glan lengre jaka ap bare barra mules witsedo, un lengre khera wenn win tchoredo, un lengre romjen taprenn le sorjah an.

Jesaja 13:18

I terne murshen denn le karje mulo pengre bogentsa. Un len hi kek dji i tikne tchawenge; i tchawe khaitenn len gar.

Jesaja 20:4

jaake lell o baro rai pral Assur i menshen an Egiptia un an Etiopia pandles, un tradell len krik, i ternen un i phuren. Un jon hunte djan nanges un pirkenes. Un len hi kek cholopja ap pende. Hawi ladj hi kowa lenge!

Jeremia 44:7

Doleske penell o baro Dewel, ko rai pral o bolepen un i phub, kai o Israeleskro Dewel hi: Hoske krenn tumer sawo tchilatchepen ap tumende kokres? Kamenn tumer, te merenn tumare menshe win: mursha un djuwja, tchawe un ternepen? Un tchi atchell pral tumendar, kai wan dran o them Juda?

Jeremia 50:37

O charo mu well pral lengre graja un lengre kurepaskre wurdja, un pral hake lurdende, kai wenn dran wawar themma, te wenn le har djuwja! O charo mu well ninna pral lengro brawlepen, kowa well lenge krik lino!

Jeremia 51:23

Tiri sorjah dom bakrengre un lengre bakre mulo, hache un lengre grumja, kai i wurdja tserdan, ninna themeskre raja un wawar raja.

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 2:21

Tchawe un phure hi tchiddo an i dromma. Terne tcha un terne mursha wan o chareha maredo. Ap ko diwes kai tiri choli pral mende was, hi tut kek dji lenge, un maral len halauteren.

Ezekiel 9:6

Denn i phuren mulo, un i terne murshen un i terne tchen, ninna i tchawen un i djuwjen! Ma taprenn jekeske an, koles ko sikepen glan ap peskro shero hi! Djan glanstunes pash miro kheer, un fun kotar dureder. Jaake kran le, un maran glanstunes kol pralstunen, kai glan o baro Debleskro kheer tardo his.

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”