Jeremia 51:16 - O Debleskro Drom 2021 (Sinte)

¹⁶ Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

O Debleskro Lab 2024 (Sinte-Manouche)

¹⁶ Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Jeremia 51:16 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

Hiob 37:13

Nai well, te bitchrell lo o brishin, te dell lo o themes i phagi, ninna nai well, te bitchrell lo les, te sikrell lo peskro latchepen.

Hiob 38:22

Wal tu jaake dur, kai garau o gib pre? Dikal, kai rikrau i brishineskre barra i tsireske hoi wella?

Hiob 40:9

Hi tut sawi bari soor har man? Nai rakreh tu sawi sorjah har me?

Debleskri gili 104:7

Har tchingral ap leste, djas o pani pale, glan tiri gole nashas lo peske,

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Debleskri gili 147:18

Job penell i lab, un o gib well pani; job bitchrell i ducho, hoi phurdell pral i phub, un o pani, hoi djajedo his, nashella palle.

Debleskri gili 18:13

Dran o railepen glan leste djan leskre wolke dureder, brishineskre barra un barra, hoi chatchran, peran dran lende.

Debleskri gili 46:6

O Dewel hi mashkral leste, doleske perell o foro gar khetne. O Dewel well ap leskri rig sik taissarlakro.

Debleskri gili 68:33

Tumer themma ap kai phub, giwenn o Debleske, bashrenn leske, maro rajeske!

Debleskri gili 78:26

Job bitchras i baro ducho, hoi phurdas kotar, kai o kham pre djal. Un peskri sorjah tradas lo i wawar ducho pash lende, hoi phurdas kotar, kai o kham pralstunes hi,

2. Mose 10:13

Un o Mose hadas peskro kasht pral o them Egiptia. Kote mukas o baro Dewel ko tselo diwes un i tseli rat jek sorelo ducho pral o them te phurdell, hoi was katar, kai o kham pre djal. Un taissarlakro phurdas ko ducho i stepangre an o them.

2. Mose 10:19

Un o baro Dewel kras, te phurdas ko baro ducho kanna soreles katar, kai o kham tele djal. Un ko ducho hadas i stepangre pre un witsras len an o baro pani, hoi kharella ‘Baro Lolo Pani’. An o tselo them Egiptia atchas kek stepaskro pral.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

Ezekiel 10:5

Un kol tchirklengre mussja fun kol bolepangre kran jaake bari gole, har te rakrell o sorelo Dewel. Un me shunom lat ninna an koi bari glanstuni platsa.

Amos 9:7

O baro Dewel penell: Tumer Israelitarja han mange jaake har i menshe an o them Etiopia. Tumen lom dran o them Egiptia win, i Filistarjen lom dran o them Kreta win, un i Syrarja dran o them Kir. Hoi hi wawartchandes tumentsa?

Jona 1:4

Kote mukas o baro Dewel i sorelo phurdepen pral o baro pani te well, hoi jaake sorelo his, te kamas ko shiffo khetne te phagell.

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”