Jeremia 51:13 - O Debleskro Drom 2021 (Sinte)

¹³ Tu foro, kai hal kote, kai bare panja hi, tu, kai tut baro brawlepen hi, tiro tsiro hi trujel, tiro djipaskro thab well tele tchinlo.

O Debleskro Lab 2024 (Sinte-Manouche)

¹³ Tou foro, kay hal kote, kay bare panya hi, tou, kay tout baro bravlepen hi, tiro tsiro hi trouyel, tiro djipaskro thab vell tele činlo.

Jeremia 51:13 ပူးပေါင်းရင်းမြစ်များ

1. Mose 6:13

Doleske penas o Dewel ap o Noah: “Kolla, kai djiwenn ap i phub, kran, te was i phub pherdo tchilatchepen un midjak koowa. Kamau gar, te djiwenn le dureder. Awa, me krau, te merenn i tsele menshe un halauter, hoi ap i phub hi.

Debleskri gili 137:1

Pash i panja an o foro Babilon hams beshdo un rowan, har menge o Zion an o shero was.

Jesaja 43:14

O Israeleskro Dewel hi o baro Dewel, kai tumen dran o pandepen win lell, un penell: Tumenge, kai an o them Babilonia han, bitchrom jekes koi, te anell lo tumen, kai pandle han, win. Un kol Babilonarja, kai kanna i bachteli gole denn, rowenna palle.

Jesaja 45:3

Me dau tut brawlepen, hoi khatedo his, un kutch koowa, hoi mishto tchakedo his. Te haiwess tu, te hom me o baro Dewel, ko Dewel pral o Israel, un dom tut gole pash tiro lab.

Jesaja 57:17

Lengri doosh his, te lan le gar doha. Pral kowa wom chojedo, un koleske dom me len, khatrom man glan lende un choirom man. Un jon djan dureder ap pengro drom un wan gar pale pash mande.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Jeremia 50:27

Marenn i tsele terne murshen, denn len tele tchurje har terne gurma! Har djungeles djal lenge! Lengro diwes was, ko tsiro, kai lenn le pengri phagi!

Jeremia 50:31

Dik, tu pre-phurdo, me kamau ap tute te well, penell o baro Dewel, ko rai pral o bolepen un i phub; tiro diwes was, ko tsiro, kai tiri phagi leh.

Jeremia 50:37

O charo mu well pral lengre graja un lengre kurepaskre wurdja, un pral hake lurdende, kai wenn dran wawar themma, te wenn le har djuwja! O charo mu well ninna pral lengro brawlepen, kowa well lenge krik lino!

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Ropaskre gilja 4:18

Jon lan men palla, te nai nasham buder gar ap mare dromma. Mentsa hi trujel. Mer ham nashedo. Maro djipen hi trujel.

Daniel 5:26

Un kawa hi, hoi i laba kharenna: ‘mene’ kharell ‘khetne ginlo’. O Dewel ginas i diwessa khetne, kai hal rai; un ko tsiro hi trujel.

Amos 8:2

Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

1. Petro 4:7

Ko tsiro wella sik, kai tchi atchella, hoi kanna koi hi. Doleske denn garda, har tumer djiwenna, te rikrell tumen tchi pale, te rakrenn o Debleha!

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.

Debleskro tsiro 17:1

Un jek kol efta bolepangrendar, kai hi len kol efta tchare an i wasta, kowa was pash mande, un penas: “Ab kai! Me kamau tut i phagi te sikrell, hoi ko foro lella, hoi pash bud panja tchiddo hi. Ko foro hi har i djuwel, kai kras wi-ladjedo koowa.

Debleskro tsiro 17:15

Un o bolepaskro penas ap mande: “Tu dikal, kai beshell koi djuwel, hoi wi-ladjedo koowa krell, pash bud panja. Kol panja hi menshe dran haki harmenatsjona, dran hako them, haki natsjona, un hako rakepen.

Debleskro tsiro 18:19

Un jon lan tchik, un tchiwan les ap pengre shere un rowan, un dan lengre wasta pral o shero khetne, dan gole, un penan: “Hawi bibacht! Hawi bibacht! Dikenn, o baro foro! Leskro brawlepen kras lauter kolen brawelo, kai hi len shiffe ap o baro pani! Un an jek tikno tsiro peras ko foro khetne.”