Jeremia 51:10 - O Debleskro Drom 2021 (Sinte)

¹⁰ [I Israelitarja penenn:] O baro Dewel sikras, kai ham an o tchatchepen tardo. Awenn, te djas ap i berga Zion, te penas, hoi maro baro Dewel latcho koowa kras.

O Debleskro Lab 2024 (Sinte-Manouche)

¹⁰ [I Israelitarya penenn:] O baro Devel sikras, kay ham an o čačepen tardo. Avenn, te djas ap i berga Sion, te penas, hoy maro baro Devel lačo koova kras.

Jeremia 51:10 ပူးပေါင်းရင်းမြစ်များ

Debleskri gili 118:17

Me merau gar. Na-a, atchau djido, un penau i menshenge, hoi o baro Dewel lauter kras.

Debleskri gili 37:6

Un job mukell tiro tchatchepen pre te djal har o kham, un mukell tiro tchatchepen diklo te well har o kham mashkral o diwes.

Debleskri gili 64:9

Lengre laba kokres krenn, te san kolla pral lende, kai dikenn len.

Debleskri gili 66:16

Awenn un shunenn, tumer lauter, kai ap o Debleste patsenna, te penap tumenge, hoi job mange kras.

Debleskri gili 9:14

Ab latches ap mande, baro Dewel! Dik o tchilatchepen, hoi kolla mantsa krenna, kai hi mulo chojedo ap mande! Un tserde tu man win dran o merepaskro wast!

Jesaja 24:14

Kolla, kai atchenn djido, giwenn i bachtjatar. Kolla, kai djiwenn ap i wawar rig o Mashkralstuno Baro Panjestar sharenn o baro Debleskro railepen:

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 51:11

Kolen o baro Dewel dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jeremia 50:28

I bari gole well shunlo kolendar, kai hunte nashenn penge sik, kolendar, kai wan win dran o them Babilonia. An Jerusalem ap i berga Zion penenn le, hoi maro baro Dewel ap i Babilonarja kras, te dell lo lenge pale, hoi jon leskro khereha kran.

Jeremia 50:45

Shunenn, hoi o baro Dewel peske glan las te krell lo ap o foro Babilon, un hoi kamell lo te krell i menshentsa an o them Babilonia. Tchatchepah, jon halauter wenn krik tradedo har bakre. Ninna lengre tikne tchawe wenn krik tserdedo. Hakeneske, kai dikell kowa, atchell o rakepen krik.