Jeremia 50:42 - O Debleskro Drom 2021 (Sinte)

⁴² Len hi boge un chare. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Babilon.

O Debleskro Lab 2024 (Sinte-Manouche)

⁴² Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Jeremia 50:42 ပူးပေါင်းရင်းမြစ်များ

Debleskri gili 46:6

O Dewel hi mashkral leste, doleske perell o foro gar khetne. O Dewel well ap leskri rig sik taissarlakro.

Debleskri gili 74:20

Biste gar koi sowel, hoi tu men dal, te rikreh tu pash mende! An o tselo them well djungelo un tchilatcho koowa kerdo an o khatepen.

Jesaja 14:6

Tu dal i menshen an bud themma, un dal un dal un mukal gar tele. Diwji choljah rikral tu len tele, un lal len palla kek latchepah.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.

Jesaja 5:28

Lengre faile hi har tchurja, un lengre boge hi pre tserdedo. Ko saster tel lengre grajengre pire hi sorelo har bar. Un i rade ap lengre wurdja hi sik har i sorelo ducho, hoi phurdell pral i phub.

Jesaja 5:30

Un an ko tsiro well pral lende i bari gole, sawi gole har o baro pani krell. Un te dikell jek palle tele ap i phub, dikell lo kalepen un bare duka. Un pesse wolke krenn, te well o diwes tamlo.

Jeremia 30:14

Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 47:3

Jon shunenn, har i herja kol sorele grajendar kote pre stakrenna, un koi bari gole, hoi i rade lengre kurepangre wurdjendar krenn. Koi lenn le jaake daar, te dikenn pen i dada gar trujel pal pengre tchawende.

Jeremia 50:14

Tumer, kai i bogentsa karje denn, tchiwenn tumen trul o foro Babilon pre! Lenn bud faile un denn pal leste karje! Kau foro kras tchilatchepen ap o baro Debleste.

Jeremia 50:9

Shunenn, me bitchrau bud lurden dran bud themma, kai fun kotar wenna, kai norden hi, te kurenn le pen i menshentsa an Babilon. Jon wenna un lenn ko foro dren. Kal lurde denn mishto karje, un taprenn hako kopo kowa, hoi kamenn le te taprell.

Jeremia 51:27

Hadenn o kurepaskri plachta pre ap i phub! Phurdenn an i phurdepaskri an i tsele themma! Denn i rajen pral i wawar themma gole, te djan le an o kurepen o foreha Babilon! Penenn i bare rajenge pral i themma Ararat, Minni un Ashkenas, te bitchrenn le lurden, te kurenn le pen i menshentsa an Babilon! Rodenn lurdengre pralstunen win! Anenn jaake bud graja khetne har stepangre!

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Ezekiel 26:3

Doleske penell o baro Dewel, maro rai: Kanna sikrau les tuke, tu foro Tirus! Dran bud themma anau me lurden kurepaske tuha. Jek them pal o wawar djal ap tute pre, jaake har dell o baro pani ap o themeskri rig.

Joel 2:5

Te stenn le pral i berge, hi koi gole har i gole, hoi i wurdja krenn, un har i jag an o phuss, awa, har sorele kurepangre, kai o marepaske rido hi.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”