Jeremia 50:38 - O Debleskro Drom 2021 (Sinte)

³⁸ O brishin te well pale rikedo, te nashenn kek panja buder an o them! O them Babilonia hi pherdo mule debla, un lengro patsepen ap kal tchilatche mule debla kras i menshen narwelo.

O Debleskro Lab 2024 (Sinte-Manouche)

³⁸ O brishin te vell pale rikedo, te nashenn kek panya bouder an o them! O them Babilonia hi pherdo moule debla, oun lengro patsepen ap kal čilače moule debla kras i menshen narvelo.

Jeremia 50:38 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Jesaja 44:27

Me hom kowa, kai ap o baro pani penell: “Ab truk!” Un kol lengste panja, hoi nashenn an o baro pani, krau me truk!

Jeremia 50:12

o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Jeremia 51:47

Dikenn, ko tsiro wella, kai krau me kol mule deblen an Babilonia paash. O them Babilonia djal tele an ladj. Un kolla, kai wan maredo, atchenn kote ap i phub tchiddo.

Jeremia 51:52

O baro Dewel penell: Doleske penau tumenge: Ko tsiro wella, kai krau i chochene deblen an Babilon paash. Un an o tselo them hi kolla tchiddo, kai an o kurepen dukedo wan, un denn i bari gole.

Jeremia 51:7

O foro Babilon his har i sonakaskro khoro an o baro Debleskro wast, i khoro, hoi pherdi mool his, kolestar i menshe an i tsele themma pijan un mato wan. Doleske wan jon jaake narwelo.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

Bičepangre 17:16

Jaake rah kamas o Paulo an o foro Athen te atchell. Kote dikas lo bud barrengre murshen, djuwjen un viechen, hoi kran i menshe pengre wastentsa, un hoi jon an-mangenna. Un kowa dukas les an peskro dji.

Debleskro tsiro 16:12

Un o shobto bolepaskro tchoras peskro tcharo win pral o baro pani, hoi kharella Eufrat. Un ko pani djas pale. Jaake was i drom kerdo kol rajenge, kai wenna dran o them, kai o kham pre djal.

Debleskro tsiro 17:5

Un ap lakro shero his i lab tchinlo, hoi i menshe gar haiwan: “Koi bari Babilon, kolatar wella hako djunglepen un wi-ladjedo koowa ap i phub.”

Čačepangre 6:30

Kote penan i mursha dran o foro ap o Joash: “De tiro tchawes win! Job hunte merell! Job das koi chatchepaskri o deblestar Baal paash, un das i Ashera, hoi pashel tardo his, trujel!”