Jeremia 50:37 - O Debleskro Drom 2021 (Sinte)

³⁷ O charo mu well pral lengre graja un lengre kurepaskre wurdja, un pral hake lurdende, kai wenn dran wawar themma, te wenn le har djuwja! O charo mu well ninna pral lengro brawlepen, kowa well lenge krik lino!

O Debleskro Lab 2024 (Sinte-Manouche)

³⁷ O rharo mou vell pral lengre graya oun lengre kourepaskre vourdya, oun pral hake lourdende, kay venn dran vavar themma, te venn le har djouvya! O rharo mou vell ninna pral lengro bravlepen, kova vell lenge krik lino!

Jeremia 50:37 ပူးပေါင်းရင်းမြစ်များ

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Debleskri gili 76:6

I sorele mursha wan wi-tchoredo un meran. Un i kurepangre lan pengre mussja gar pre.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jesaja 45:3

Me dau tut brawlepen, hoi khatedo his, un kutch koowa, hoi mishto tchakedo his. Te haiwess tu, te hom me o baro Dewel, ko Dewel pral o Israel, un dom tut gole pash tiro lab.

Jeremia 25:20

un wi-themarja an o them Egiptia; i tsele bare raja an o them Uz; i tsele raja an kol Filistarengre forja Ashkelon, Gaza, Ekron un kolla, kai pral atchan an Ashdod;

Jeremia 25:24

i tsele bare raja an Arabia; i tsele bare raja pral i menshende an o mulo tato them;

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Jeremia 50:10

Jon tchorenn o tselo them Babilonia win. Halauter kai kote randenna, wenn tchalo. Kowa penell o baro Dewel.

Jeremia 50:26

Awenn pral kau them haki rigjatar, krenn leskre djobenge khera pre, witsrenn halauter khetne ap i phub, un chatchrenn les pre, te atchell tchi pral!

Jeremia 51:21

Tiri sorjah dom me grajen un klissepangren paash, ninna wurdja un kol kurepangre, kai koi pral tardo hi.

Jeremia 51:22

Tiri sorjah dom murshen un djuwjen mulo, phure un terne, tchawe un tcha.

Jeremia 51:30

Kol sorele kurepangre an o them Babilonia atchenn an lengre sorele khera, un djan gar an o kurepen. Lengri sorjah hi tchi buder, jon wan har djuwja. O foreskre wudja hi pre-phagedo, un i khera chatchenna.

Jeremia 51:4

Palle hi i mule lurde tchiddo an o tselo them Babilonia, un tele tchurje-dine ap i dromma.

Ezekiel 30:5

Mank kolende, kai merenn an kau kurepen hi ninna i ginle lurde dran Etiopia un dran Put un Lud un Kub, un wawar wi-themarja, un kol tsele wawar, kolentsa i Egiptarja pen khetne tchiwan.

Ezekiel 39:20

Chan i grajen un i klissepangren, i pralstunen un i tsele lurden! Chan tumen tchalo ap miri chapaskri! Kawa penell o baro Dewel, maro rai.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.

Nahum 3:13

Tire kurepangre – har djuwja wan le! I wudja glan tiro them hi dur pre, te nai djan kolla dren, kai kamenn tut te marell. I jag chatchrell kol sorele kashta, kolentsa i bare wudja pandle hi.

Haggai 2:22

Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.