Jeremia 50:35 - O Debleskro Drom 2021 (Sinte)

³⁵ O baro Dewel penell: O charo mu wella pral o them Babilonia, un pral o foro Babilon peskre pralstunentsa un gosewe murshentsa!

O Debleskro Lab 2024 (Sinte-Manouche)

³⁵ O baro Devel penell: O rharo mou vella pral o them Babilonia, oun pral o foro Babilon peskre pralstunentsa oun goseve morshentsa!

Jeremia 50:35 ပူးပေါင်းရင်းမြစ်များ

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 41:25

Me dom i rajes gole, te well lo peskre lurdentsa fun kotar, kai o kham gar diklo well. Un job was dran peskro them, hoi kote hi, kai o kham pre djala. Un job dell gole ap mande, un stakrell kol wawar bare rajen khetne, har te wans le tchik. un krell lentsa har ko mursh, kai pirja dran tchik chatchell, un glan kowa peskre pirentsa ap ko tchik stakrell.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jesaja 66:16

I jagah un peskro chareha krell o baro Dewel o tchatchepen win pral i tsele menshende, un bud lendar wenn jaake maredo.

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Jeremia 47:6

Tu, o baro Debleskro charo, kaana kameh tu pre te herell? Muk tele un dja pale an tiri possita, un atch pokones!

Jeremia 50:27

Marenn i tsele terne murshen, denn len tele tchurje har terne gurma! Har djungeles djal lenge! Lengro diwes was, ko tsiro, kai lenn le pengri phagi!

Jeremia 50:30

Leskre terne mursha wenn maredo ap leskre dromma. Ap ko diwes nashrenn leskre tsele kurepangre pengro djipen, penell o baro Dewel.

Jeremia 51:39

Len hi bari bok – un me krau lenge i chapen, un krau, te pijenn le pen mates, un lenge hi halauter sapaske. Palle sowenn le dren hako tsireske, un stenn buder gar pre. Kowa penell o baro Dewel.

Jeremia 51:47

Dikenn, ko tsiro wella, kai krau me kol mule deblen an Babilonia paash. O them Babilonia djal tele an ladj. Un kolla, kai wan maredo, atchenn kote ap i phub tchiddo.

Jeremia 51:57

O baro Dewel penell: Me krau len mato, kol pralstunen an Babilon, kol gosewe murshen, themeskre rajen, pralstune lurden, un kol wawar lurden an Babilon, te perenn le an i sopen, kolestar jon buder gar pre stenn. Kowa penell o baro rai, koleskro lab hi: baro Dewel, ko rai pral o bolepen un i phub.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

Ezekiel 14:2

Koi penas o baro Dewel ap mande:

Daniel 5:30

An kai rat was o Belsazar, ko baro rai pral o them Babilonia, maredo.

Hosea 11:6

An lengre forja djal o charo trujel, un dell i chochene rakepangren mulo, te nai krenn le buder gar, hoi le penge glan lan.

3. Mose 26:25

Me mukau kurepen an tumaro them win te phagell, un dau tumen pale, te rikran gar dren, hoi mantsa win kran. Un te khatrenn tumer tumen palle an tumare forja, palle bitchrau i pharo nasslepen mashkral tumende, un dau tumen an i wasta kolendar, kai kurenn pen tumentsa.

Zakarie 11:17

Djungeles djal koleske, kai hi i tchi-moldo bakrengro un mukell i bakren kokres! Mu tchinell o charo leskri mussi tele, un leskro tchatcho jak win! Leskri mussjatar te atchell tchi har i tikno kotar, un leskro tchatcho jakeha dikell lo buder tchi!”