Jeremia 50:34 - O Debleskro Drom 2021 (Sinte)

³⁴ O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

O Debleskro Lab 2024 (Sinte-Manouche)

³⁴ O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 50:34 ပူးပေါင်းရင်းမြစ်များ

2. Familjakro liil 6:39

palle shun lengro mangepen! An o bolepen, kai tu djiweh, shun ap lende un le lengro koowa an tiro wast! Un biste ko tchilatchepen, hoi jon ap tute kran!

Hiob 19:25

Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

Gosewe laba 22:23

O baro Dewel lell lengro koowa an o wast. Un kowa, kai len win randas, koleske lell job o djipen krik.

Gosewe laba 23:11

O baro Dewel well lenge soreles ap i rig, un lell lengro koowa an o wast, un krell o tchatchepen pral tute win.

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 43:14

O Israeleskro Dewel hi o baro Dewel, kai tumen dran o pandepen win lell, un penell: Tumenge, kai an o them Babilonia han, bitchrom jekes koi, te anell lo tumen, kai pandle han, win. Un kol Babilonarja, kai kanna i bachteli gole denn, rowenna palle.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 47:4

Kowa penell o Israeleskro Dewel, kai kokres ko tchatcho Dewel hi, un kai lell o koowa peskre menshendar an peskro wast. Leskro lab hi ‘baro Dewel, rai pral o bolepen un i phub’.

Jesaja 49:25

Kawa hi kowa, hoi well, penell o baro Dewel: Ninna ko sorelo mursheske wenn leskre pandlen krik lino. Un kolen, hoi ko sorelo rai randas, wenn leske krik tserdedo. Kolla, kai kurenn pen tuha, kolentsa kurau me man, un tire tchawen lau dran lengre wasta win.

Jesaja 51:22

Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 15:21

awa, dran i wasta kolendar, kai tchilatcho ap tute hi, un kai djan sorjah ap tute pre.

Jeremia 30:20

Tumer Jakobeskre tchawe han pale, har hans an o phuro tsiro: i natsjona, hoi soreles tardo hi glan mande; me dau lauteren i phagi, kai kamenn tumen tele te rikrell.

Jeremia 31:11

O baro Dewel lell o Jakobeskre tchawen win dran o wast o sorelestar.

Jeremia 31:35

Kowa penell o baro Dewel, kai mukell o kham pre te djal, te well diwes, un o tchon un o bolepangre momlia, te nai dikah mer an i rat. Job krell o baro pani diwjo, te djal lo pral un tele. Leskro lab hi ‘baro Dewel, rai pral o bolepen un i phub’.

Jeremia 32:18

Tu mukeh latchepen pral bud serja menshende te well. Un i doosh i dadendar mukeh ap i sherja lengre tchawendar te well. Tu hal o baro un sorelo Dewel. Tiro lab hi: Baro Dewel, ko rai pral o bolepen un i phub.

Jeremia 48:15

O them Moab well paash dino, un leskre forja wenn dren lino. Leskre feteder lurde djan win, te kurenn le pen, un wenn maredo. Kowa penell o baro rai, kai kharell ‘baro Dewel, ko rai pral o bolepen un i phub.’

Jeremia 51:19

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Ropaskre gilja 3:58

Miro rai, tu lal miro koowa an tiro wast, un lal miro djipen dran o merepen.

Joel 2:11

O baro Dewel dell bari gole glan peskre kurepangre, te penell lo len, hoi te krenn le. Bud bud hi le un len hi bari soor, un krenn, hoi lo lenge penell. Awa, o diwes o baro Deblestar hi baro un pherdi traash. Koon nai rikrell les win?

Micha 4:10

Awa, tumer an o foro Zion, sawe duka wenn pral tumende. Un tumer denn bari gole, har i romni, kai lell i ternepen. Tumer hunte djan dran o foro, un hunte rikrenn tumen win ap o them pre, un wenn bis pash o foro Babilon anlo. Kote lell tumen o baro Dewel pale win. Job lell tumen win dran i wasta kolendar, kai rikran tumen tele.

Micha 7:9

Djinau, me mukom o baro Debleskro drom. Doleske was leskri choli ap mande. Me hidjrau lat, bis te lell job miro koowa an leskro wast, un dell man miro tchatchepen. Job sikrell man peskri momeli, te dikap, har latcho job ap mande hi.

Debleskro tsiro 18:8

Doleske well i tseli bari bibacht ap jek kopo pral ko foro: merepen, ropen, un bok. Un i jag chatchrella ko foro pre. Sorelo hi o Dewel, maro rai, kai rakrell pral i menshen an o foro o tchatchepen win, un dell len i tchatchi phagi.