Jeremia 50:24 - O Debleskro Drom 2021 (Sinte)

²⁴ Me tchiwom dorja pral tiro drom, te peress dren, Babilon, un sikeder har tu dikal, mukal tut te taprell. Pral mande, o baro Debleste, hadal tut. Doleske wal tapedo un pandlo.

O Debleskro Lab 2024 (Sinte-Manouche)

²⁴ Me čivom dorya pral tiro drom, te peress dren, Babilon, oun sikeder har tou dikal, moukal tout te taprell. Pral mande, o baro Debleste, hadal tout. Doleske val tapedo oun pandlo.

Jeremia 50:24 ပူးပေါင်းရင်းမြစ်များ

Hiob 15:25

Jaake djal ko mursheske, kai hadas peskro wast ap o sorelo Debleste, un kras pes bares ap leste,

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Hiob 40:9

Hi tut sawi bari soor har man? Nai rakreh tu sawi sorjah har me?

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

Sikepaskro 9:12

Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jeremia 48:43

O baro Dewel penell: Tumer menshe an o them Moab, Bari traash well pral tumende, an bare chebja un dorja wenn tumer tapedo.

Jeremia 48:44

Kowa kai nashell peske glan koi bari traash, kowa perell an i cheb dren, un kowa kai nai stakrell dran i cheb win, kowa well i dorjentsa pandlo. Awa, ko bersh wella, kai dau i menshenge an o them Moab pengri phagi. Kowa penell o baro Dewel.

Jeremia 51:57

O baro Dewel penell: Me krau len mato, kol pralstunen an Babilon, kol gosewe murshen, themeskre rajen, pralstune lurden, un kol wawar lurden an Babilon, te perenn le an i sopen, kolestar jon buder gar pre stenn. Kowa penell o baro rai, koleskro lab hi: baro Dewel, ko rai pral o bolepen un i phub.

Jeremia 51:8

Har i khoro tele perell un an kotja phagell, jaake sik peras o foro Babilon un khetne phagedo. Rowenn pral o foro Babilon! Anenn leske dukepaskro djet, Nai well, te well lo pale sasto!

2. Tessalonikarja 2:4

Job hadell pes pral o Debleste un pral halauter, hoi i menshe an-mangenna, un beshell pes an o Debleskro baro kheer, un krell, har te wals job o Dewel.